.gif)
_(1).gif)
.png)
काठमाण्डौ । घोराही सिमेन्ट इण्डष्ट्री लिमिटेडले गत आवको चौथो त्रैमाससम्मको वित्तीय विवरण सार्वजनिक गरेको छ । जसअनुसार कम्पनीले १ अर्ब २१ करोड रुपैयाँ घाटा व्यहोरेको छ । अघिल्लो आवको चौथो त्रैमाससम्म भने कम्पनीले ६ करोड ३१ लाख रुपैयाँ नाफा आर्जन गरेको थियो ।
कम्पनीको खुद आम्दानी पनि घटेको छ । कम्पनीले समीक्षा अवधिसम्म ३० करोड ५९ लाख रुपैयाँ खुद आम्दानी गरेको छ । जुन अघिल्लो आवको सोही अवधिको तुलनामा ६९.०५ प्रतिशतले कम हो । अघिल्लो आवको सोही अवधिसम्म कम्पनीले ९८ करोड ८७ लाख रुपैयाँ खुद आम्दानी गरेको थियो । कम्पनीले यो अवधिसम्म २ करोड ४५ लाख रुपैयाँबराबरको अन्य आम्दानी गरेको छ ।
(1).gif)
त्यस्तै कम्पनीको प्रशासनिक,बिक्री तथा वितरण खर्च ३३ करोड २ लाख रुपैयाँ, ह्रासकट्टी खर्च ४५ करोड ६९ लाख र वित्त खर्च ७६ करोड १७ लाख रुपैयाँबराबर रहेको छ । सिमेन्ट उद्योगमा मागभन्दा बढी उत्पादन भएकाले प्रतिस्पर्धातक अवस्थामा बिक्रीमा अपेक्षाकृत वृद्धि नभएकाले कम्पनीको आम्दानी घटेसँगै कम्पनी घाटामा गएको देखिन्छ । यस्तै यस अवधिको युनिट १ को ब्याज खर्च सो युनिटले उत्पादन गरिसकेकाले आयकर ऐन बमोजिम ब्याज खर्चमा मात्र लेखांकन गरिएको साथै सो युनिटको ह्रास खर्चलाई नाफा/नोक्सानमा लेख्नुपर्ने प्रावधान रहेकाले जम्मा नोक्सानी बढ्न गएको कम्पनीले जनाएको छ ।
कम्पनीको रिटेन्ड अर्निङ ४५.२९ प्रतिशतले घटेर २ अर्ब १९ करोड रुपैयाँमा सीमित भएको छ । कम्पनीको अन्य रिजर्भ ७ करोड ९० लाख र सेयर प्रिमियम २ अर्ब ६५ करोड रुपैयाँ रहेको छ ।
समीक्षा अवधिसम्म कम्पनीको प्रतिसेयर आम्दानी(ईपीएस) २६.६८रुपैयाँ ऋणात्मक,प्रतिसेयर नेटवर्थ २०७.७३ रुपैयाँ,प्रतिसेयर कुल सम्पत्तिको मूल्य ५१२.१३ रुपैयाँ र तरलता अनुपात ०.८३ प्रतिशत कायम भएको छ ।
.png)
.png)
(64).jpg)
.jpg)
(83).jpg)
.gif)
(1).gif)
.gif)
