लगातार २ दिन बढेको अब कता जाला ?(प्राविधिक विश्लेषण)

Capital Market
मंगलवार, माघ २३,२०८० 20:02:42

काठमाण्डौ । दिनभर सामान्य उत्तारचढाव भएको बजार अन्तिम समयमा आज करिब १० अंकले बढेर २०८५ को विन्दुमा बन्द भएको छ ।

योसँगै कारोबार तथा भोलुम पनि सामान्य अंकले बढेर बजार बन्द भएको छ । प्राविधिक रुपमा आजको बजारलाई एकघण्टाको समयअवधिमा हेर्दा बोलिङ्गरको मध्यब्यान्ड भन्दा माथि बन्द भएको छ ।

एकघण्टाकै समय अबधिमा म्याक्डीमार्फत हेर्दा आज बुलिस क्रसओभर पनि बनेको छ । यही समयावधिमा आरएसआईमार्फत बजारलाई नियाल्दा ओभरसोल्ड जोन ३० बाट फर्केर हाल न्यूट्रल जोन ५० मा पुगेको छ ।

समग्रमा तीनवटै इण्डिकेटरबाट नियाल्दा बजारमा मंगलबारदेखि अल्पकालीन लगानीकर्ता हाबी हुँदै गरेको देखिन्छ । बजारलाई डेली बेसमा हेर्दा यदि आगामी दिनमा २१०४ भन्दा माथि माथि टिकेर कारोबार हुन्छ भने बजारले माथिको यात्रा तय गर्दै गरेको मानिनेछ ।

पिभटमार्फत बजारलाई नियाल्दा पिभट प्वाइन्ट २०८८ मा बजारले कडा प्रतिरोधको सामना गरेको देखिन्छ ।

त्यसैगरी, त्यहाँबाट माथि गएमा बजारले २११०, २१५५ र २१७८ मा प्रतिरोध सामना गर्नसक्छ ।

बजारले घटेमा भने २०४३, २०१८ र १९७५ मा बलियो सपोर्ट लिनसक्छ ।

(नोट: सेयर बजारमा लगानी जोखिमपूर्ण हुन्छ । यो विश्लेषण कारोबारको सिफारिस भने होइन ।)