.gif)
(2).gif)
_(1).gif)
.png)
काठमाण्डौ । धौलागिरी लघुवित्त वित्तीय संस्था लिमिटेडको प्रमुख आर्थिक सूचकहरु कमजोर देखिएको छ । संस्थाले सार्वजनिक गरेको गत आवको अन्त्यसम्मको प्रतिवेदनअनुसार संस्थाको घाटा २०२.८५ प्रतिशतले बढेको छ । संस्थाले समीक्षा अवधिसम्म २ करोड ८४ लाख रुपैयाँ खुद घाटा व्यहोरेको छ । अघिल्लो आवको सोही अवधिसम्म संस्थाले ९३ लाख ८९ हजार रुपैयाँ घाटा व्यहोरेको थियो ।
यो अवधिमा संस्थाको खुद ब्याज आम्दानी २.१७ प्रतिशतले मात्रै बढेको छ । चौथो त्रैमाससम्म संस्थाले ८ करोड १४ लाख रुपैयाँ खुद ब्याज आम्दानी गरेको छ । संस्थाको खुद शुल्क तथा कमिशन आम्दानीमा व्यापक गिरावट आएको छ । संस्थाले २८ लाख ७८ हजार रुपैयाँबराबरको खुद शुल्क तथा कमिशन आम्दानी गरेको छ । जुन अघिल्लो आवको तुलनामा ९१.१० प्रतिशतले कम हो । अघिल्लो आवको चौथो त्रैमाससम्म संस्थाको खुद शुल्क तथा कमिशन आम्दानी ३ करोड २३ लाख रुपैयाँ रहेको थियो ।
.gif)
संस्थाको खुद सञ्चालन आम्दानी ११ करोड ३६ लाख धनात्मक र सञ्चालन मुनाफा २ करोड ८४ लाख रुपैयाँले ऋणात्मक रहेको छ ।
यस्तै संस्थाको वितरणयोग्य मुनाफा २ करोड २६ लाख रुपैयाँले ऋणात्मक रहेको छ । चुक्तापूँजी १३ करोड ३१ लाख रुपैयाँ रहेको संस्थाको रिटेन्ड अर्निङ ५७ लाख ७९ लाख रुपैयाँ छ । संस्थाको रिजर्भमा ५ करोड ९६ लाख रुपैयाँ सञ्चित रहेको छ । अघिल्लो आवमा भने संस्थाको रिजर्भमा ८ करोड ५२ लाख रुपैयाँ रहेको थियो ।
यो अवधिसम्म ७८ करोड ७ लाख रुपैयाँबराबरको निक्षेप संकलन गरेको संस्थाले २ अर्ब १७ करोड रुपैयाँबराबरको कर्जा प्रवाह गरेको छ ।
संस्था खराब कर्जा अनुपात घटाउन सफल छ । अघिल्लो आवको चौथो त्रैमाससम्म ८.८७ प्रतिशत रहेको खराब कर्जा अनुपात घटेर ४.६५ प्रतिशतमा झरेको छ । संस्थाले इम्पेयरमेन्ट चार्जका लागि १ करोड २९ लाख रुपैयाँ छुट्टाएको छ ।
समीक्षा अवधिसम्म संस्थाको प्रतिसेयर आम्दानी(ईपीएस)मा उल्लेख्य कमी आएको छ । संस्थाको ईपीएस ७.०५ रुपैयाँ ऋणात्मकबाट २१.३६ रुपैयाँ ऋणात्मक कायम भएको छ ।
यस्तै संस्थाको प्रतिसेयर नेटवर्थ १४९.१४ रुपैयाँ, प्रतिसेयर कुल सम्पत्तिको मूल्य १ हजार ८८५.४६ रुपैयाँ, मूल्य आम्दानी अनुपात ४७.०७ गुणा र तरलता अनुपात १९.९६ प्रतिशत कायम भएको छ ।
.png)
(1).png)
.jpg)
(1).jpg)
(1).gif)
.gif)
