.gif)
_(1).gif)
.png)
काठमाण्डौ । सरकारी स्वामित्वको राष्ट्रिय बीमा कम्पनीले प्रमुख कार्यकारी अधिकृत (सीईओ) नियुक्तिको प्रक्रिया अघि बढाएको छ । कम्पनीले आज एक सूचना जारी गरेर नयाँ सीईओको लागि आवेदन खुलाएको छ ।
(1).gif)
कम्पनीमा सीईओ रिक्त भएको करिब डेढ महिनापछि नयाँ सीईओ चुन्न लागिएको हो । कम्पनीको सञ्चालक समिति सदस्य शंकर राज पाठकको नेतृत्वमा बनेको पदपूर्ति समितिले सीईओको पदपूर्ति सम्बन्धी कार्यविधि बनाएको हो ।
रिक्त सीईओ पदमा इच्छुक र योग्यता पुगेका व्यक्तिले २१ दिनभित्र आवेदन दिन सक्नेछन् । कम्पनीले बीमा क्षेत्रमा १० वर्ष काम गरिसकेको अनुभवि व्यक्तिले आवेदन दिन सक्ने जनाएको छ । कम्पनीका अनुसार आवेदकको उमेर ६५ वर्ष ननाघेको हुनुपर्नेछ ।
साथै सूचनामा बीमा, मौद्रिक, बैकिङ, वित्तीय, वाणिज्य, व्यवस्थापन, जनप्रशासन, तथ्यांकशास्त्र, गणित, अर्थशास्त्र वा कानून विषयमा कम्तिमा स्नाकोत्तर उपाधी हासिल गरेको व्यक्ति हुनुपर्ने उल्लेख छ ।
गत मंसिर महिनादेखि राष्ट्रिय बीमा कम्पनी निमित्तको भरमा चलेको छ । गत मंसिर ८ गते तत्कालिन सीईओ शेखर बरालले पदबाट राजीनामा दिएपछि कम्पनीका डीसीईओ सुवास कोइरालाले निमित्त सीईओको जिम्मेवारी पाएका हुन् ।
.png)
(17).jpg)
.gif)
(1).gif)
.gif)
