.gif)
(1).gif)
_(1).gif)
.png)
काठमाण्डौ। एमसीसी नेपालले आफ्नो वार्षिक कार्यप्रगति विवरण सार्वजनिक गरेको छ । बुधवार काठमाडौँमा पत्रकार सम्मेलन गरी एक वर्षमा भएको प्रगति विवरण सार्वजनिक गरेको हो।
परियोजनाले १० जिल्लामा ८५६ वटा प्रसारण टावरको जग निर्माणका लागि जग्गा प्राप्तिमा प्रगति भएको जनाएको छ। जग्गा मुआब्जा वितरणको लागि ९ जिल्लामा मुआब्जा निर्धारण समिति गठन भएर काम थालेको बताएको छ।
पत्रकार सम्मेलनमा एमसिए नेपालका प्रमुख कार्यकारी अधिकृत खड्गबहादुर बिष्टले लामो समयदेखि रोकिएका कामहरु सुचारु भएको बताए।
जग्गा प्राप्तिको काम सुरु हुनु, विभिन्न जिल्लामा मुआब्जा वितरणको लागि समिति बन्नु र धादिङ, मकवानपुर र नवलपरासी पश्चिममा जग्गाको मुआब्जा निर्धारण हुनु उपलब्धि भएको उनको दाबी छ।
प्रमुख कार्यकारी अधिकृत बिष्टले विभिन्न ९ जिल्लामा पहिलो चरणको रुख गणना गर्ने काम सम्पन्न भएको बताए। यस्तै प्रभावित ९ जिल्लामा करिब ४७ हजार रुख काटिने भएको पनि उनले जानकारी दिए।
.gif)
.png)
.jpg)
.gif)
