.gif)
_(1).gif)
.png)
काठमाण्डौ । साताको अन्तिम कारोबार दिन बिहीबार सेयर बजार झिनो अंकले बढेर बन्द भएको छ ।
बजारलाई क्यान्डल स्टिकबाट प्राविधिक रुपमा हेर्दा आज नेप्सेको चार्टमा ‘ग्रेभस्टोन डोजी’बनेको छ । अंग्रेजीको अक्षर टी आकारलाई उल्टाउँदा बन्ने मैनबत्तीको आकारलाई ग्रेभस्टोन डोजी भनिन्छ । यदि सेयरको सुरु, न्यून र अन्तिम मूल्यबराबर तथा अधिकतम मूल्य बढी भएमा ग्रेभस्टोन डोजी बन्छ ।
(1).gif)
यस्तो क्यान्डलले बजारमा दिनभर क्रेताको प्रभाव रहेको संकेत गर्छ भने कारोबारको अन्तिममा बजारलाई बिक्रेताले दबाबमा राखेर सूचक तथा सेयरमूल्य सुरु कै अवस्थामा पुर्याएको जनाउँछ। लामो समयको बियरिस ट्रेन्ड वा रातो मैनबत्ती क्यान्डलसँगै यस्तो क्यान्डल बनेमा बजारमा बिक्रेता हराउँदै गरेको, खरिद चाप बढेको र आगामी दिनमा बजार बढ्न सक्ने संकेत गर्छ ।
तर, लामो समयको बढ्दो बजारमा यस्तो आकृति देखिएमा भने बजार घट्न सक्ने संकेत गर्छ । हालको अवस्था भनेको लामो समयको बजार वृद्धिपछि यस्तो आकृति देखा परेको हो । यसले ट्रेन्ड रिभर्सलको संकेत गर्छ ।
यस्ता क्याण्डल भ्यालिड र इन्भ्यालिड दुबै हुन सक्छन् । यदि आगामी कारोबारमा बजार ३०४१ विन्दु भन्दा माथि भोल्युुमसहित टिकेर कारोबार भएको खण्डमा यो क्याण्डल इन्भ्यालिड पनि हुन सक्छ । तर बजार पछिल्लो न्यून विन्दु २९४५ विन्दुभन्दा तल खसेमा आज बनेको क्याण्डल भ्यालिड पनि हुन सक्छ ।
पछिल्लो समयमा दैनिक कारोबार औषत कारोबार भन्दा तल हुन थालेको छ ।
नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस होइन ।
.png)
.png)
(64).jpg)
.jpg)
(83).jpg)
.gif)
(1).gif)
.gif)
