.gif)
_(1).gif)
.jpg)
.png)
काठमाण्डौ । हाईड्रो इलेक्ट्रीसिटी इन्भेष्टमेन्ट एण्ड डेभलपमेन्ट कम्पनी लिमिटेड (एचआईडीसीएल)को लिलामीमा राखिएको १ करोड कित्ता बढी संस्थापक सेयरको बोलपत्र खोलिएको छ ।
उक्त गोप्य शिलबन्दी बोलपत्र आज बिहान ८ बजे बिक्री प्रबन्धक ग्लोबल आइएमई क्यापिटल लिमिटेडको नक्सालमा रहेको कार्यालयमा खोलिएको हो । कम्पनीको साउन २१ गते बसेको सञ्चालक समितिको बैठकको निर्णय बमोजिम संस्थापक सेयरधनी समूह‘क’उप समूह क–२ को अन्य संस्थापक अन्तर्गत लिलाम बढाबढ प्रक्रियामार्फ बिक्री नभई बाँकी रहेको १ करोड ६८ लाख ५९ हजार ५० कित्ता सेयर गत साउन २९ गतेदेखि भदौ ६ गतेसम्म लिलामीमातर्फ बिक्री आवेदन खुलाइएको थियो ।
(1).gif)
बिक्री प्रबन्धकका अनुसार २५ सय जना आवेदकबाट उक्त सेयर खरिदका लागि आवेदन परेको छ । उक्त सेयरको कटअफ मूल्य प्रतिकित्ता १४५.६६ रुपेयाँ निर्धारण भएको बिक्री प्रबन्धकले जनाएको छ ।
सेयरको न्यूनतम मूल्य १०० रुपैयाँ तोकिएको थियो । बोलकबोल पेश गर्दा न्यूनतम १०० कित्ता र अधिकतममा सम्पूर्ण कित्ताका लागि खरिद आवेदन पेश गर्न सकिने व्यवस्था गरिएको थियो ।
बोलकबोल प्रक्रियाद्वारा बिक्री गरिएको सेयर खरिद गर्ने सेयरधनीहरु समूह क को उपसमूह क–२ अन्तर्गतको अन्य संस्थापक उप–समूहमा रहनेछन् । उक्त सेयर बाँडफाँड भई नेप्सेमा सूचीकरण भएपश्चात ‘एचआईडीसीएलपी’ संकेतमा कारोबार गर्न योग्य हुने कम्पनीले जनाएको छ ।
.png)
.png)
(64).jpg)
.jpg)
(83).jpg)
.gif)
(1).gif)
.gif)
