.gif)
_(1).gif)
.jpg)
.png)
काठमाण्डौ । नाडा अटोमोबाइल्स एसोसिएसन अफ नेपाल(नाडा)ले आयोजना गरेको १६औं संस्करणको ‘नाडा अटो शो २०२४’ सम्पन्न भएको छ । नाडाले गत भदौ ११ गतेदेखि सवारी साधन, पार्ट पुर्जा, वित्तिय सेवा एवं अन्य सम्बन्धित सरोकारवाला संघ संस्थाहरुको भव्य प्रदर्शनीको १६ औं संस्करण ‘नाडा अटो शो २०२४’ आयोजना गरेको थियो ।
राजधानीको भृकुटीमण्डपमा सञ्चालन भएको उक्त ६ दिने अटो शो आइतबार सम्पन्न भएको हो । यसपटकको नाडा अटो शोमा ८२ हजार ४७० जनाले अवलोकन गरेको आयोजकले जनाएको छ । आयोजनकले शो सुरु हुनुअघि करिब ७५ हजार आगन्तुकहरूले शो अवलोकन गर्ने लक्ष्य राखेको थियो ।
(1).gif)
आयोजकका अनुसार अटो सो सुरु भएको पहिलो १० हजार, दोस्रो दिन १५ हजार, तेस्रो दिन बिहीबार १५ हजार ५ सय, चौथो दिन १७ हजार २ सय, ५ औं दिन १८ हजार ४९७ र अन्तिम दिन ८ हजार ४ सय ५५ जना अवलोकनकर्ताले प्रदर्शनी अवलोकन गरेका थिए ।
६ दिन सञ्चालन भएको शोमा करिब १५ अर्ब रुपैयाँबराबरको कारोबार भएको आयोजकले दाबी गरेको छ । यस्तै सवारी साधनको बुकिङमा समेत यो वर्ष उत्साह देखिएको नाडाले जनाएको छ । नाडाका अनुसार शो अवधिभर ४ हजार युनिट चारपाङग्रे र २ हजार युनिट दुई पाङ्ग्रे गरी ६ हजार युनिट सवारी साधन बुकिङ भएको छ ।
यसपालिको अटो शोमा विद्युतीय र पेट्रोल तथा डिजेल गाडी दुवैमा दर्शकको राम्रो आकर्षण देखिएको थियो । शोको अवसर पारेर विभिन्न कम्पनीले नयाँ ब्रान्ड लन्च गर्नुका साथै विभिन्न छुट योजना समेत ल्याएका थिए । नेपालको अटोमोबाइल क्षेत्रलाई प्रभावित गरेको हालको आर्थिक मन्दीको अवस्थामा नाडा अटो शो २०२४ ले उद्योगलाई पुनर्जीवित गर्न महत्वपूर्ण भूमिका खेलेको आयोजकले जनाएको छ ।
अटो शोमा टाटा ईभी मुख्य प्रायोजक र शिखर इन्स्योरेन्स सह–प्रायेजकको रुपमा रहेका थिए । यस वर्षको प्रदर्शनीमा २४ चार पाङ्गे ब्रान्डहरू, १९ वटा दुई पाङ्गे ब्रान्डहरू र १२ हल्का व्यावसायिक सवारी साधन ब्रान्डहरू प्रदर्शनमा राखिएका थिए ।
नाडा अटो शो २०२४ कै सन्दर्भमा नाडाले रक्तदान कार्यक्रम समेतको आयोजना गरेको थियो । नाडा केन्द्रीय कार्य समिति सदस्य प्रकाश कपुरीको संयोजकत्वमा सम्पन्न भएको उक्त कार्यक्रमा रक्तदान गर्न चाहने कूल १२८ जना मध्ये योग्य ठहरिएका ६३ जनाले रक्तदान गरेका थिए ।
.gif)
.png)
.jpg)
.jpg)
.gif)
.gif)
