.gif)
_(1).gif)
.jpg)
काठमाण्डौं । हाल सेयर बजारमा टीएमएस प्रयोगकर्ताको संख्या २३ लाख भन्दा बढी पुगेको छ । जसमा दैनिक ९३ प्रतिशत लगानीकर्ताले आफै सेयर कारोबार गर्ने ब्रोकरहरु बताउँछन् ।
टीएमएस आउनु भन्दा पहिले सेयर कारोबार गर्न लगानीकर्ताहरुले ब्रोकरलाई सम्पर्क गर्नु पर्थ्यो । त्यो समय ब्रोकरहरुको पनि सल्लाह लिएर लगानीकर्ताहरुले किनबेच गर्ने भएको कारण लगानीकर्ताहरुको निर्णय केही फेरिन पनि सक्थ्यो । नेप्सेका अनुसार टीएमएस प्रयोग गर्ने सक्रिय लगानीकर्ताको संख्या दैनिक ५ लाख देखि ६ लाखसम्म रहेको छ । यिनै लगानीकर्ताहरु सानो–सानो विषयमा पनि तरंगित हुँदा सेयर बजारमा उच्च उतारचढाव आएको ब्रोकरहरु बताउँछन् ।
(1).gif)
पछिल्लो समय सामाजिक सञ्जालमा हुने सानो–सानो विषयका कारण लगानीकर्ताहरुले छिटो निर्णय लिने गरेका छन् । टीएमएसमा आफै कोल्याट्रल लोड गरेर सेयर किनबेच गर्न सक्ने सुविधा पनि रहेको छ । त्यसैले अहिले सेयर कारोबार गर्न लगानीकर्ताहरुले ब्रोकरलाई सम्पर्क गर्न आवश्य पनि पर्दैन । जसको कारण सेयर बजारमा एकै दिनमा सय अंक भन्दा बढीको उतारचढाव आउने गरेको एक ब्रोकरले बताए ।
अहिले सामाजिक सञ्जालमा प्राविधिक, राजनीति तथा आर्थिक विषयको निकै चर्चा हुन थालेको छ । सामाजिक सञ्जालमा आएका विषयवस्तुलाई आधार मानेर लगानीकर्ताहरुले आफ्नो कारोबारको निर्णय लिने गरेका छन् ।
पछिल्लो समय प्राविधिक विश्लेषक विष्णु प्रसाद बस्यालले फेसबुकमा गर्ने गरेको पोष्टले बजार प्रभावित पारिरहेको आरोप लगानीकर्ताले लगाउन थालेका छन् । बस्यालले प्राविधिक रुपमा एबीसी चक्र चल्दै गरेको सामाजिक सञ्जालमा पोष्ट गर्दै आएका छन् । नागरिक स्टक डिलर कम्पनीमा भेटिएक केही लगानीकर्ताहरुले बस्यालकै स्टाटसका कारण बजार घटेको आरोप लगाउन भ्याए । अर्को एक ब्रोकर कालिक सेक्यूरिटिजमा भेटिएका लगानीकर्ताहरुले पनि प्राविधिक विषयबस्तु देखाएर आज बजार घटाइएता पनि दशैं अघि बजारमा पुनः एकपटक बाउन्सब्याक आउने दाबी गरे ।
.gif)
(1).jpg)
.jpg)
(1).gif)
.gif)
