भारतमा डिम्याट खाताको संख्या रुस, मेक्सिको र जापानको जनसंख्या भन्दा बढी पुग्यो

STOCK MARKET
बिहीबार, भाद्र २०,२०८१ 14:41:32

काठमाण्डौ । भारतमा डिम्याट खाता खोल्नेको संख्या पहिलोपटक १७ करोड भन्दा बढी पुगेको छ । अगस्ट महिनामा मात्रै भारतमा ४२.३ लाख नयाँ डिम्याट खाता खुलेको छ ।

नयाँ तथ्यांकअनुसार भारतमा डिम्याट खोल्नेको कुल संख्या १७ करोड ११ लाख पुगेको छ । जुलाई महिनामा पनि ४४.४४ लाख नयाँ डिम्याट खाता खुलेको थियो । सन् २०२३ को अगस्ट महिनामा भने जम्मा ३१ लाख नयाँ डिम्याट खाता खुलेको भारतीय मिडियाले जनाएका छन् ।

यससँगै भारत सबैभन्दा धेरै डिम्याट खाता भएको नवौं ठूलो देश बनेको छ । भारतको डिम्याट खाताको संख्या रुस, इथियोपिया,मेक्सिको र जापानको कुल जनसंख्या भन्दा धेरै पुगेको छ । यस्तै भारतमा खुलेको डिम्याट संख्या बंगलादेशको कुल जनसंख्याको हाराहारी हो ।

डिम्याट संख्या १६ करोड पुगको २ महिनापछि भारतले यस्तो उपलब्धि हासिल गरेको हो । सन् २०२३ पछि भारतमा थप ६ करोड नयाँ डिम्याट खाता थपिएका छन् । सन् २०२४ मा मात्रै ३ करोड १८ लाख नयाँ डिम्याट खाता थपिएका छन् । जुन सन् २०२३ को एक वर्षमा खुलेको ३ करोड १० लाखको तुलनामा बढी हो ।