.gif)
_(1).gif)
.jpg)
.png)
काठमाण्डौ । साताको पहिलो कारोबार दिन आज पनि नेपाल स्टक एक्सचेञ्च (नेप्से) मा दोहोरो अंकको गिरावट आएको छ । आज नेप्से परिसूचक १ प्रतिशत अर्थात २७.३३ अंकले घटेर २ हजार ७००.०३ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि १.३५ प्रतिशतले घटेर ४७९.७५ विन्दुमा झरेको छ । यो दिन नेप्सेमा सूचीकृत मध्ये ३२८ वटा स्क्रिप्टको २ करोड २१ लाख ५१ हजार ८०३ कित्ता सेयर १० अर्ब ५ करोड ९३ लाख रुपैयाँभन्दा बढीको कारोबार भएको छ ।
(1).gif)
आजको बजारबारे अर्थशास्त्री सूर्यनारायण पौडेल भन्छन्, ‘नाडा अटो शो र चाडपर्व लागेसँगै सेयर बजारमा गिरावट आएको छ । सरकार परिवर्तनसँगै लगानीकर्ताले केही नीतिगत सुधारको अपेक्षा समेत गरेका थिए । जुन पुरा हुन सकेको छैन । धितोपत्र बोर्डमा अझै पनि अध्यक्ष नियुक्त हुन सकेका छैनन् ।’
अहिले लगानीकर्ता अन्यौलमा रहेको र एभरेष्ट बैंकले घोषणा गरेको लाभांशका कारण लगानीकर्ता निरुत्साहित हुँदा आज बजारमा दबाब परेको उनले बताए । ‘अहिले लगानीकर्ताको मनस्थिती स्थिर छैन । तर ब्याजदर माथि नजादासम्म बजार बुलिस नै रहेको छ,’ उनले भने ।
अर्का बजार जानकार महेश रिजालले अहिले बजार साइडवेजमा चलेको र भोल्युम समेत घटेको बताए । ‘ब्रोकरहरुले केही लिमिट टाइट गर्दा पनि बजारमा करेक्सन आएको छ ।’
रिजालले बजार केही समयसम्म साइडवेज चल्न सक्ने र माथि जानका लागि भोल्युमले साथ दिनु पर्ने बताए ।
यो दिन नेप्सेमा सूचीकृत १३ वटा समूहमध्ये ३ वटा बाहेक अन्य सबैमा समूहमा रातो पोतियो ।
आज लघुवित्त समूह १.२१ प्रतिशत, उत्पादन तथा प्रशोधन ०.५० र म्युचुअल फण्ड समूह ०.२२ प्रतिशतले बढ्यो ।
आज विकास बैंक समूह सर्वाधिक अर्थात २.०७ प्रतिशतले घट्यो । यस्तै बैंकिङ समूह १.५८ प्रतिशत,वित्त १.२४,होटल १.४१,हाईड्रो ०.६०,लगानी ०.५४, जीवन बीमा १.४२,निर्जीवन बीमा १.२८,अन्य १.३१ र व्यापार समूह १.२४ प्रतिशतले घट्यो ।
धेरै कारोबार गर्ने कम्पनीहरु
आज सिईडिबि हाईड्रोको सर्वाधिक सेयर कारोबार भयो । यो कम्पनीको आज ४२ करोड १९ लाख बढीको सेयर कारोबार भयो । एचआईडीसीएलपीको आज ३५ करोड ८१ लाख,ग्रिनलाइफ हाईड्रोको ३५ करोड ५६ लाख,गूडविल फाइनान्सको ३३ करोड ७४ लाख र एनएलजी इन्स्योरेन्सको २८ करोड ३७ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका ४ वटा कम्पनीको सेयरमूल्यमा अपर सर्किट लाग्यो । आज महुली लघुवित्त,श्रृजनशिल लघुवित्त,मिड सोलु हाईड्रोपावर र मनकामना इन्जिनियरिङको सेयरमूल्यमा अपर सर्किट लाग्यो ।
यसैगरी आज सपोर्ट माइक्रो फाइनान्सको सेयरमूल्य ८ प्रतिशत,उन्नती सहकार्य लघुवित्तको ७.३२ प्रतिशत,गणपति लघुवित्तको ६.६७ प्रतिशत र स्वाभिमान लघुवित्तको सेयरमूल्य ६.४४ प्रतिशतले बढ्यो ।
यो दिन थ्रिस्टार हाईड्रोको सेयरमूल्यमा लोअर सर्किट लाग्यो । गुडविल फाइनान्सको सेयरमूल्य आज ६.०५ प्रतिशत,दोल्ती पावरको ४.५४ र मातृभूमि लघुवित्तको सेयरमूल्य ४.४५ प्रतिशतले खस्कियो ।
.gif)
.png)
.jpg)
.jpg)
.gif)
.gif)
