बोलिङ्गरको लोअर ब्याण्डसँगै हिड्न थालेको बजारको अबको सपोर्ट कति–कतिमा ?

STOCK MARKET
बुधबार, भाद्र २६,२०८१ 18:47:10

काठमाण्डौ । पछिल्लो समय बजार निरन्तर ६ दिन देखि खसेको छ । बजारले पछिल्लो पटकको उच्च विन्दु ३ हजारबाट करिब ४ सय अंक गुमाई सेकेको छ । बजारलाई विभिन्न इन्डिकेटरबाट नियाल्दा बजारमा तीब्र बिक्री दबाब परेको देखिन्छ ।

बोलिङ्गर ब्याण्डबाट नियाल्दा केही समय पहिले अपर ब्याण्ड छोडेको बजार हाल तल्लो ब्याण्डसँग–सँगै हिड्न खोजेको देखिन्छ । त्यसै गरि म्याम्डी पनि केही समय पहिले बनेको बियरिस क्रसओभर हाल सम्म पनि भ्यालिड नै रहेको छ ।

हिस्टोग्राम पनि नेगेटिभ र लामा–लामा हुँदै गएका छनु । आरएसआई हाल ४० को तहमा पुगेको छ । मनी फ्लो इन्डेक्स पनि ओभर सोल्ड जोन २६ को तहमा पुगेको छ । समग्रमा सबै इन्डिकेटरबाट नियाल्दा बजारमा बिक्री दबाब परेको देखिन्छ ।

पिभट् मार्फत अहिलेको बजारको सपोर्ट हेर्दा २६५० विन्दुको पहिलो सपोर्ट भत्काइ सकेको छ । अबको दोस्रो सपोर्ट २५७५ र २५०० विन्दुमा बलियो सपोर्ट लिन सक्छ । त्यसैगरि, पिभट् प्वइन्ट २७५५, २८३२ तथा २९३७ विन्दुमा प्रतिरोध लिन सक्छ ।

नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।