पिपुल्स पावरको नाफामा सामान्य वृद्धि,खुद आम्दानी ११८.२७% ले बढ्यो

काठमाण्डौ । आम्दानी बढ्दा पिपुल्स पावर कम्पनी लिमिटेडको नाफा ३.९७ प्रतिशतले बढेको छ । कम्पनीले चालु आवको दोस्रो त्रैमासुसम्ममा ४२ लाख ७६ हजार रुपैयाँ खुद नाफा आर्जन गरेको छ ।

कम्पनीको खुद आम्दानी पनि ११८.२७ प्रतिशतले बढेको छ । कम्पनीले समीक्षा अवधिसम्म २ करोड ६० लाख रुपैयाँ खुद आम्दानी गरेको छ । अघिल्लो आवको सोहि अवधिसम्म भने कम्पनीको खुद आम्दानी १ करोड १९ लाख रुपेयाँ थियो ।

यस्तै कम्पनीको वित्त खर्च ९९ लाख ६२ हजार र अन्य सञ्चालन खर्च २५ लाख ६४ हजार रुपैयाँ रहेको छ । कम्पनीको रिजर्भ कोषको आकार १ करोड ५९ लाख रुपैयाँले ऋणात्मक अवस्थामा छ ।

समीक्षा अवधिसम्म कम्पनीको प्रतिसेयर आम्दानी ४.६९ रुपैयाँ,प्रतिसेयर नेटवर्थ ९७.४७ रुपैयाँ,प्रतिसेयर कुल सम्पत्तिको मूल्य १५६.६८ रुपैयाँ र तरलता अनुपात ३.२० गुणा कायम भएको छ ।