.gif)
.gif)
(62).jpg)
.png)
काठमाण्डौ । साताको पहिलो कारोबार दिन आज नेपाल स्टक एक्सचेञ्च (नेप्से) मा दोहोरो अंकको गिरावट आएको छ । आज नेप्से परिसूचक १.८८ प्रतिशत अर्थात ५०.५३ अंकले घटेर २ हजार ६३७.७९ विन्दुमा सीमित बनेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि १.६४ प्रतिशतले घटेर ४६८.६५ विन्दुमा झरेको छ । यो दिन नेप्सेमा सूचीकृत मध्ये ३२४ वटा स्क्रिप्टको २ करोड ४८ लाख ४६ हजार ७८२ कित्ता सेयर १० अर्ब ३३ करोड ९२ लाख रुपैयाँभन्दा बढीको कारोबार भएको छ ।
आजको बजारबारे बजार जानकार महेश रिजाल भन्छन्, ‘यो साता पनि दुई दिन सार्वजनिक बिदा परेका छ । त्यसैले सेयर रोटेशन हुन नपाउने आँकलनका कारण बजारमा बिक्री दबाब परेको देखिन्छ । चाडपर्व पनि नजिकिएकाले लगानीकर्ताले खर्च जोहो गर्न सेयर बिक्री गर्ने भएकाले समेत दशैंअघि बजारबाट त्यति ठूलो आश गर्न सकिदैन,’उनले भने ।
यद्यपी दशैंअघि केही दिन भने बजार बढ्न तर दशैं खर्च निस्कने गरी भने नबढ्ने उनले अनुमान गरे ।
अर्का बजार जानकार अर्जुन थापाले लगानीकर्तामा बजारप्रति विश्वास नभएका कारण र छिटो–छिटो नाफा बुक हुँदा बजार घटेको छ । ‘असोज मसान्तको ब्याज र दशैं खर्चको दबाबले गर्दा बजारमा ठूलो अंकको करेक्सन देखिएको छ । यद्यपी ब्याज घट्दो क्रममा रहेका कारण दीर्घकालमा भने बजार बुलिस नै रहने देखिन्छ,’ थापाले भने ।
यो दिन नेप्सेमा सूचीकृत १३ वटै समूहममा रातो पोतिएको छ । आज होटल समूहमा सर्वाधिक गिरावट आएको छ । यो समूह आज ३.६८ प्रतिशतले घट्यो । यस्तै बैंकिङ समूह ०.९३ प्रतिशत, विकास बैंक २.५१,वित्त ३.५३,हाईड्रो १.४८,लगानी २ं८०,जीवन बीमा २.७४,उत्पादन तथा प्रशोधन १.७९,लघुवित्त १.८८,म्युचुअल फण्ड ०.६१,निर्जीवन बीमा २.१६,अन्य २.२३ र व्यापार समूह ०.९० प्रतिशतले घट्यो ।
धेरै कारोबार गर्ने कम्पनीहरु
यो दिन सिईडिबि हाईड्रोको सर्वाधिक सेयर कारोबार भयो । यो कम्पनीको आज ६४ करोड ३८ लाख बढीको सेयर कारोबार भयो ।
एनआरएन इन्फ्रास्ट्रक्चरको आज ३५ करोड २८ लाख बढीको, हिमालयन रिको २८ करोड ३० लाख,अपि पावरको २५ करोड ४३ लाख र सिंगटी हाईड्रोको २४ करोड ४१ लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका ४ वटा कम्पनीको सेयरमूल्यमा सकारात्मक सर्किट लाग्यो । आज रिभर फल्स पावर, हिमालयन हाईड्रोपावर,राँवा इनर्जी र इष्टर्न हाईड्रोको सेयरमूल्यमा अपर सर्किट लाग्यो ।
यो दिन तेह्रथुम पावरको सेयरमूल्य ८.८३ प्रतिशत,बलेफि हाईड्रोको ७.६० र भिजन लुम्बिनी उर्जाको सेयरमूल्य ६.६१ प्रतिशतले बढ्यो ।
थ्रिस्टार हाईड्रोको सेयरमूल्यमा आज लोअर सर्किट लाग्यो । ग्रिनलाइफ हाईड्रोको सेयरमूल्य ९.४० प्रतिशतले घटेको आज सिईडिबी हाईड्रोको ९.१५ र इमिर्जङ नेपालको सेयरमूल्य ७.१२ प्रतिशतले घट्यो ।
.png)
.png)
.jpg)
(67).jpg)
.jpg)
.gif)
