निरन्तर बढिरहेको सुनको मूल्यमा ब्रेक, आज १० डलरले घट्यो

काठमाण्डौ । केही समयदेखि निरन्तर वृद्धि भईरहेको सुनको मूल्यमा ब्रेक लागेको छ । आज अन्तराष्ट्रिय बजारमा सुनको मूल्य प्रतिऔंस १० डलरले घटेको छ ।  

यो समाचार तयार पार्दासम्म सुनको मूल्य अन्तराष्ट्रिय बजारमा २ हजार ५७३ डलरमा कारोबार भईरहेको छ ।  

यस्तै आज चाँदीको मूल्य समेत घटेको छ । चाँदीको मूल्य प्रतिऔंस ०.३२ डलरले ओरालो लागेको छ । यो गिरावटसँगै चाँदीको मूल्य प्रतिऔंस ३०.४४ डलर कायम भएको छ ।  

नेपाली बजारमा भने छापावाला सुनको मूल्य १ लाख ५६ हजार ७ सय रुपैयाँमा कारोबार भईरहेको छ ।