हालसम्म १४ कम्पनीले गरे लाभांश घोषणा, ११ को बुक क्लोज हुन बाँकी

काठमाण्डौ । नेपाल स्टक एक्सचेञ्ज (नेप्से)मा सूचीकृत १४ वटा कम्पनीले यस वर्षका लागि लाभांश घोषणा गरेका छन् । कम्पनीहरुले गत आर्थिक वर्षको मुनाफाबाट आफ्ना सेयरधनीहरुलाई लाभांश वितरण गर्ने प्रस्ताव गरेका हुन् ।  

जसमध्ये दुईवटा जीवन बीमा कम्पनीले भने आव २०७९/८० को मुनाफाबाट लाभांश प्रस्ताव गरेको हो । १४ मध्ये ६ वटा हाइड्रोपावर कम्पनी, दुई बीमा कम्पनी, दुई बैंक, एक लघुवित्त, एक लगानी कम्पनी, एक उत्पादन तथा प्रशोधन र एक होटल रहेका छन् ।  

१२ वटा कम्पनीको सेयर खरिद गर्दा अझै पनि लाभांश पाउन सकिनेछ भने भगवती हाइड्रो र माण्डु हाइड्रोले भने लाभांश वितरण प्रयोजनार्थ बुकक्लोज गरिसकेको छ ।  

हाइड्रो समूह  

हाइड्रोपावर समूहबाट ६ वटा कम्पनीले आव २०८०/८१ को सञ्चित मुनाफाबाट लगानीकर्ताहरुलाई लाभांश घोषणा गरेका छन् । जसमध्ये सर्वाधिक भगवती हाइड्रोपावरले कुल १४.७३६८ प्रतिशत लाभांश घोषणा गरेको जसमा ४ प्रतिशत बोनस सेयर र १०.७३६८ प्रतिशत नगद लाभांश रहेको छ । कम्पनीले लाभांश वितरण प्रयोजनार्थ असोज २ गते बुकक्लोज मिति तोकेको थियो । यसर्थ भदौ ३१ गतेसम्म कायम सेयरधनीले मात्रै कम्पनीको लाभांश पाउनेछन् ।  

साथै सुपरमाई हाइड्रोले पनि ७ प्रतिशत बोनस सेयर र ५.६३ प्रतिशत नगद लाभांश गरी कुल १२.६३ प्रतिशत लाभांश घोषणा गरेको छ । कम्पनीले बुकक्लोजको मिति तोकेको छैन । यसर्थ अझैपनि सेयर किन्नेले कम्पनीले लाभांश पाउनेछन् ।  

त्यस्तै, माण्डु हाइड्रोले १२ प्रतिशत नगद लाभांश मात्रै लाभांश घोषणा गरेको छ । कम्पनीले बुकक्लोज समेत गरिसकेको छ । यसका साथै सीइडीबी हाइड्रोले ११ प्रतिशत बोनस सेयर प्रस्ताव गरेको छ । कम्पनीले लाभांश प्रयोजनका लागि असोज ७ गते बुकक्लोजको मिति तोकेको छ । यसर्थ असोज ६ गतेसम्म कम्पनीको सेयर किन्नेले लाभांश पाउनेछन् ।  

यता अपि पावर कम्पनीले ९ प्रतिशत बोनस सेयर र कर प्रयोजनका लागि ०.४७३७ प्रतिशत नगद लाभांश गरी कुल ९.४७ प्रतिशत लाभांश घोषणा गरेको छ । कम्पनीले असोज १६ गते बुकक्लोजको मिति तोकेको छ । यसर्थ असोज १५ गतेसम्म कायम सेयरधनीले मात्रै लाभांश पाउनेछन् ।  

त्यस्तै, साहज उर्जा कम्पनीले पनि ८ प्रतिशत बोनस सेयर र कर प्रयोजनका लागि ०.४२१ प्रतिशत नगद लाभांश गरी कुल ८.४२ प्रतिशत लाभांश प्रस्ताव गरेको छ । कम्पनीले असोज १३ गते बुकक्लोजको मिति तोकेको छ । यसर्थ असोज ११ गतेसम्म कायम सेयरधनीले मात्रै कम्पनीले लाभांश पाउनेछन् ।  

बैंक तथा वित्तीय संस्था  

हालसम्म एक वाणिज्य बैंक, एक विकास बैंक र एक लघुवित्त संस्थाले गत आर्थिक वर्षको मुनाफाबाट आ–आफ्ना सेयरधनीलाई लाभांश प्रस्ताव गरेका छन् । एभरेष्ट बैंक, कामना सेवा विकास बैंक र गुराँस लघुवित्तले आव २०८०/८१ को नाफाबाट लाभांश घोषणा गरेको हो ।  

एभरेष्ट बैंकले १० प्रतिशत बोनस सेयर र ५.५३ प्रतिशत नगद लाभांश गरी कुल १५.५३ प्रतिशत लाभांश घोषणा गरेको छ । कम्पनीले लाभांश वितरण प्रयोजनका लागि असोज ८ गते बुकक्लोजको मिति तोकेको छ । यसर्थ असोज ७ गतेसम्म बैंकको सेयर किन्दा लाभांश पाइनेछ ।  

त्यस्तै, कामना सेवा विकास बैंकले पनि ७ प्रतिशत बोनस सेयर र ५ प्रतिशत नगद लाभांश गरी १२ प्रतिशत लाभांश घोषणा गरेको छ । कामनाले भने लाभांश वितरणका लागि हालसम्म बुकक्लोज मिति तोकेको छैन । यसर्थ बैंकको सेयर हालसाल किन्दा लाभांश पाइनेछ ।  

यता गुराँस लघुवित्तले १४.२५ प्रतिशत बोनस सेयर र कर प्रयोजनार्थ ०.७५ प्रतिशत नगद लाभांश गरी कुल १५ प्रतिशत लाभांश प्रस्ताव गरेको छ । संस्थाले पनि हालसम्म बुक्लोजको मिति तोकेको छैन ।  

दुई बीमा कम्पनी  

बीमा समूहतर्फबाट प्रभु महालक्ष्मी लाइफ र सानिमा रिलायन्स लाइफ इन्स्योरेन्सले आ–आफ्ना सेयरधनीहरुलाई लाभांश प्रस्ताव गरेका छन् । यी कम्पनीहरुले आव २०७९/८० को मुनाफाबाट यस वर्षका लागि लाभांश घोषणा गरेका हुन् ।

सानिमा रिलायन्स लाइफले १८.३८११ प्रतिशत बोनस सेयर मात्रै घोषणा गरेको छ । कम्पनीले असोज ११ गते बुकक्लोजको मिति तोकेको छ । यसर्थ असोज १० गतेसम्म कम्पनीको सेयर किन्दा लाभांश पाइनेछ ।  

साथै प्रभु महालक्ष्मी लाइफले पनि ९ प्रतिशत बोनस सेयर र कर प्रयोजनका लागि ०.४७३७ प्रतिशत नगद लाभांश गरी कुल ९.४७ प्रतिशत लाभांश घोषणा गरेको छ । कम्पनीले असोज १६ गते बुकक्लोजको मिति तोकेको छ । यसर्थ असोज १५ गतेसम्ममा कम्पनीको सेयर किन्दा लाभांश पाउन सकिनेछ ।  

अन्य कम्पनी  

अन्य कम्पनीहरुमा ओरियन्टल होटल लिमिटेडले ५ प्रतिशत बोनस सेयर र कर प्रयोजनका लागि ०.२६ प्रतिशत नगद लाभांश गरी कुल ५.२५ प्रतिशत लाभांश घोषणा गरेको छ । कम्पनीले असोज ७ गते बुकक्लोजको मिति तोकेको छ ।  

त्यस्तै, हाथवे इन्भेष्टमेन्ट नेपालले पनि १० प्रतिशत बोनस सेयर र कर प्रयोजनका लागि ०.५२ प्रतिशत नगद लाभांश गरी कुल १०.५२ प्रतिशत लाभांश प्रस्ताव गरेको छ । कम्पनीले बुकक्लोजको मिति तोकेको छैन ।  

नेपाल ल्यूब आयलले पनि २५ प्रतिशत लाभांश घोषणा गरेको छ । जसमा २० प्रतिशत बोनस सेयर र ५ प्रतिशत नगद लाभांश रहेको छ । कम्पनीले असोज ४ गते बुकक्लोजको मिति तोकेको छ । यसर्थ आजसम्म कायम सेयरधनीले मात्रै कम्पनीको लाभांश पाउनेछन् ।