नेप्सेको सपोर्ट जोनमा ‘डोजी स्टार’, के होला अब बजार ?

काठमाण्डौ । दिनभर सामान्य अंकले तल माथि गरेको सेयर बजार आज अन्त्यमा ४ अंकले घटेर बन्द भयो । आज कारोबार पनि ५ अर्ब ६६ करोड माथि भएको छ । प्राविधिक रुपमा आजको बजारलाई हेर्दा अघिल्लो कारोबारमा वियरिस मारुबुजु क्याण्डल पछि आज सपोर्ट जोनमा‘डोजी स्टार’बनेको छ ।  

यसले बजार घट्न रोकिदै गरेको बुझ्न सकिन्छ । तर यो निश्चित भएको अवस्था भने होइन ।  

यदि आगामी कारोबारमा बजार २६०० भन्दा माथि टिकेर कारोबार हुन्छ भने आज बनेको डोजी स्टार भ्यालिड हुन जाने छ । अर्थात बुलिस डोजी स्टार बनेको मानिने छ । आगामी कारोबारमा भोल्युमसहित नेप्से २६३५ विन्दुभन्दा माथि बन्द भएमा अझै निश्चित हुने छ ।

तर आगामी कारोबारमा नेप्से आजको न्यून विन्दु २५५० भन्दा तल बन्द भएको खण्डमा भने अझै करेक्नस नसकिएको मान्न सकिन्छ । बोलिङ्गर ब्याण्डबाट नियाल्दा आज तल्लो ब्यान्डमा डोजी स्टार बनेको छ । म्याक्डी मार्फत नियाल्दा केही समय पहिले बनेको बियरिस क्रसओभर भ्यालिड नै रहेको छ । हिस्टोग्राम नेगेटिभ रहेता पनि छोटा र फिक्का हुँन्दै गएका छन् ।  

बजारलाई भोल्युम तथा कारोबारबाट नियाल्दा भने नेप्से घट्दा कारोबार घटेको छ । यो भनेको बजार कुनै पनि समयमा स्ट्रङ बुलिसमा जान पनि सक्छ भन्ने हो ।  

आरएसआईबाट नियाल्दा आज ४० को तहमा रहेको छ । समग्रमा ३ वटै इन्डिकेटरबाट नियाल्दा बजारले करिब बटम लगाउँदै गरेको देखिन्छ तर निश्चित भने भई हालेको अवस्था भने होइन ।

नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारस भने होइन ।