यी दुई कम्पनीको लाभांश सुरक्षित गर्ने आज अन्तिम दिन

काठमाण्डौ । आज नेपाल स्टक एक्सचेञ्ज(नेप्से)मा सूचिकृत दुई कम्पनीको लाभांश सुरक्षित गर्ने अन्तिम दिन रहेको छ । सिईडिबि हाईड्रोपावर र ओेरियण्टल होटलको लाभांश सुरक्षित गर्ने आज अन्तिम दिन रहेको हो ।  

दुवै कम्पनीले लाभांश वितरण तथा साधारण सभा प्रयोजनको लागि असोज ७ गते बुक क्लोज गर्दैछन् । यसर्थ आजसम्म नेप्सेमा कारोबार भई कायम भएका सेयरधनीहरुमात्रै यी कम्पनीहरुद्वारा प्रस्तावित लाभांश प्राप्त गर्न सभामा सहभागी हुन योग्य हुनेछन् । सिईडिबि हाईड्रोपावरले असोज ७ गते र ओरियण्टल होटलले असोज ७ गतेदेखि २० गतेसम्म बुक क्लोज गर्दैछन् ।  

सिईडिबि हाईड्रोपावरले गत आर्थिक वर्ष २०८०/८१ का लागि ११ प्रतिशत बोनस सेयर वितरणको प्रस्ताव गरेको छ । कम्पनीले आगामी असोज २१ गते वार्षिक साधारण सभा आयोजना गर्दैछ । उक्त सभाबाट कम्पनीको प्रस्तावित लाभांश पारित गरिनेछ ।  

त्यस्तै ओरियण्टल होटलले पनि गत आवका लागि ५ प्रतिशतका दरले बोनस सेयर र ०.२६३१६ नगद लाभांश(कर प्रयोजनका लागि)लाभांश घोषणा गरेको छ । आगामी असोज २० गते आयोजना हुने कम्पनीको वार्षिक साधारण सभाबाट उक्त लाभांश पारित गरिनेछ ।