.gif)
.gif)
(67).jpg)
.png)
काठमाण्डौ । साताको पहिलो कारोबार दिन आज पनि नेपाल स्टक एक्सचेञ्च (नेप्से) मा दोहोरो अंकको वृद्धि भएको छ । आज नेप्से परिसूचक ०.४४ प्रतिशत अर्थात ११.५८ अंकले बढेर २ हजार ५८८.३५ विन्दुमा पुगेको छ ।
यो दिन बलिया र राम्रा कम्पनीको मापक सेन्सेटिभ इन्डेक्स पनि ०.७६ प्रतिशतले बढेर ४६३.४३ विन्दुमा पुगेको छ । यो दिन नेप्सेमा सूचीकृत मध्ये ३२५ वटा स्क्रिप्टको १ करोड २४ लाख ८५ हजार ७३१ कित्ता सेयर ५ अर्ब ९ करोड २९ लाख रुपैयाँभन्दा बढीको कारोबार भएको छ ।
गत शुक्रबार ५ अर्ब ६६ करोड बढीको कारोबार भएको थियो । यस हिसाबले आज नेप्से बढ्दा कारोबार भने घटेको छ ।
आजको बजारबारे बजार जानकार महेश रिजाल भन्छन्, ‘बजारमा चाडपर्वको प्रभाव परेको देखिन्छ । अर्थमन्त्रीको सेयर बजारप्रतिको चासोले मात्रै आज बजारमा उच्च वृद्धि देखिएन । लामो बिदाले कारणले गर्दा त्यसको प्रभाव परेन ।’
हरेक ठूला चाडपर्वमा बजार प्रायः साइडवेज नै रहने र बजार २५ सयदेखि २७ सयसम्मकै आसपास चल्ने रिजालले बताए ।
अर्का बजार जानकार दामोदर गजुरेलले पनि अर्थमन्त्रीको बोलीको प्रभाव सेयर बजारमा खासै नपरेको बताए । ‘अर्थमन्त्रीले गत बिहिबार नेप्सेमा गएर सोधेका प्रश्नहरु सान्दर्भिक भएनन् । उनी अर्थमन्त्री भएपछि कामको प्रगति शुन्य छ, संस्थागत सुधार भएको छैन र उनी अर्थमन्त्री भईसकेपछि बजार एकपटक बढिसकेका कारण अहिले प्रभाव कम परेको देखिन्छ,’ उनले भने ।
असोज महिनाको ब्याज तिर्नुपर्ने र चाडपर्वका कारण पनि बजार साइडवेज चलेको उनले बताए ।
यो दिन नेप्सेमा सूचीकृत १३ वटा समूहमध्ये ८ वटा समूहमा हरियाली छायो भने अन्य ५ वटा समूहमा रातो पोतियो ।
आज बैंकिङ समूह सर्वाधिक अर्थात १.०१ प्रतिशतले बढ्यो । यस्तै विकास बैंक समूह ०.६६ प्रतिशत,हाईड्रो ०.३१, लगानी ०.६२,जीवन बीमा ०.२४,निर्जीवन बीमा ०.४७,अन्य ०.४१ र व्यापार समूह ०.०७ प्रतिशतले बढ्यो ।
वित्त समूह ०.१७ प्रतिशतले घटेको आज होटल समूह ०.६१ ,उत्पादन तथा प्रशोधन ०.१९,लघुवित्त ०.१८ र म्युचुअल फण्ड ०.१० प्रतिशतले घट्यो ।
धेरै कारोबार गर्ने कम्पनीहरु
यो दिन सिईडिबि हाईड्राको सर्वाधिक सेयर कारोबार भयो । यो कम्पनीको आज २७ करोड ८० लाख बढीको सेयर कारोबार भयो । एनएलजी इन्स्योरेन्सको आज १४ करोड ६९ लाख, नेपाल फाइनान्सको १२ करोड ९७ लाख, हिमालयन रि इन्स्योरेन्सको १२ करोड ९४ लाख र एनआरएन इन्फ्रास्ट्रक्चरको आज १० करोड २० लाख बढीको सेयर कारोबार भयो ।
धरै कमाउने र गुमाउने कम्पनीहरु
आज नेप्सेमा कारोबार भएका ३ वटा कम्पनीको सेयरमूल्यमा सकारात्मक सर्किट लाग्यो । आज इष्टर्न हाईड्रोपावर,आत्मनिर्भर लघुवित्त र अपर स्याङ्गे हाईड्रोको सेयरमूल्यमा सकारात्मक सर्किट लाग्यो ।
यस्तै आज सयपत्री हाईड्रोको सेयरमूल्य ७.०४ प्रतिशत,स्ट्याण्डर्ड चाटर्ड बैंकको ३.९७ र मध्य भोटेकोशी लघुवित्तको सेयरमूल्य ३.८६ प्रतिशतले बढ्यो ।
राँवा इनर्जीको सेयरमुल्य आज सर्वाधिक घट्यो । कम्पनीको सेयरमूल्य आज ८.६५ प्रतिशतले घट्यो । यो दिन स्वरोजगार लघुवित्तको सेयरमूल्य ७.४२ प्रतिशत र कालिका लघुवित्तको सेयरमूल्य ५.५२ प्रतिशतले घट्यो ।
.png)
.jpg)
.jpg)
.jpg)
.jpg)
.png)
.gif)
