उच्च अंकले घट्यो नेप्से, जानकार भन्छन्, ‘आत्तिएर सेयर बेच्दा बजारमा दबाब’

काठमाण्डौ । साताको दोस्रो कारोबार दिन आज पनि नेपाल स्टक एक्सचेञ्च (नेप्से)मा उच्च अंकको गिरावट आएको छ । आज नेप्से परिसूचक २.२८ प्रतिशत अर्थात ५९.०२ अंकले घटेर २ हजार ५२९.३३ विन्दुमा झरेको छ ।

यो दिन बलिया र राम्रा कम्पनीको मापक सेन्सेटिभ इन्डेक्स पनि १.९४ प्रतिशतले घटेर ४५४.४१ विन्दुमा खुम्चिएको छ । यो दिन नेप्सेमा सूचीकृत मध्ये ३१२ वटा स्क्रिप्टको १ करोड ३५ लाख ३५ हजार ९०३ कित्ता सेयर ५ अर्ब ६६ करोड रुपैयाँभन्दा बढीको कारोबार भएको  छ ।

आजको बजारबारे बजार जानकार अजयसिंह थापा (जयशम्भु) भन्छन्,  ‘आज केही राजनीतिक विषयका कारण बजार घटेको देखिन्छ । दुर्गा प्रसाई र रवि लामिछानेको विषयले बजारमा  केही दबाब परेको छ । साथै फाइनान्स समूहका केही खेलाडीको बारेमा नकारात्मक समाचार आउँदा यो समूहमा उच्च गिरावट आएको छ ।’

यद्यपी २५ सय विन्दुभन्दा तल बजार नजाने थापाले दाबी गरे ।  

अर्का बजार जानकार विरेन्द्र विष्टले पनि केही राजनीतिक र सेयर बजारका विषयमा नकारात्मक खबर बाहिरिदा आत्तिएर लगानीकर्ताले सेयर बेचेको बताए । ‘तर बजार २४८० विन्दु भन्दा तल भने जादैन । सेयर बजारलाई सरकारले प्राथमिकतामा राखेको र ब्याजदर घटेको र तरलाता प्रयाप्त भएका कारण बजार तल जादैन,’ उनले भने ।      

यो दिन नेप्सेमा सूचीकृत १३ वटै समूहमा रातो पोतियो । आज वित्त समूह सर्वाधिक अर्थात ५.५६ विन्दुमा सीमित बनेको छ । बैंकिङ समूह आज १.२७ प्रतिशत, विकास बैंक,होटल ३.३४,हाईड्रो २.८९, होटल ३.३४,लगानी २.७३,जीवन बीमा २.३५,उत्पादन तथा प्रशोधन १.८१,लघुवित्त २.५६,म्युिचुअल फण्ड ०.४८,निर्जीवन बीमा २.६९,अन्य २.२२ र व्यापार समूह ३.९३ प्रतिशतले घट्यो ।  

धेरै कारोबार गर्ने कम्पनीहरु

यो दिन नेपाल फाइनान्सको सर्वाधिक सेयर कारोबार भयो । आज यो कम्पनीको २१ करोड १३ लाख बढीको कारोबार भयो । सिईडिबि हाईड्रोको आज १३ करोड ३९ लाख,हिमालयन रि इन्स्योरेन्सको १२ करोड ५२ लाख,अपि पावरको ११ करोड ७७ लाख र सानिमा माई हाईड्रोको ११ करोड ६२ लाख बढीको सेयर कारोबार भयो ।    

धरै कमाउने र गुमाउने कम्पनीहरु

आज नेप्सेमा कारोबार भएका १ वटा कम्पनीको सेयरमूल्यमा सकारात्मक सर्किट लाग्यो । आज हिमालयन हाईड्रोको सेयरमूल्यमा अपर सर्किट लाग्यो । एक्सेल डेभलपमेन्ट बैंकको सेयरमूल्य आज ८.१२ प्रतिशत,राँवा इ नर्जीको ५.३३ र नेपाल फाइनान्सको सेयरमूल्य ५.११ प्रतिशतले बढ्यो ।  

आज ४ वटा कम्पनीको सेयरमूल्यमा लोअर सर्किट लाग्यो । आज गुडविल फाइनान्स,समृद्धि फाइनान्स,एनआईसी एशिया फ्लेक्सी फण्ड र इष्टर्न हाईड्रोको सेयरमूल्य १० प्रतिशतले घट्यो ।