हिमालयन रि–इन्स्योरेन्सको सेयर भाउ बुलिस सेन्टिमेन्टमा चल्दै, टार्गेट कतिसम्म?

काठमाण्डौ । हिमालयन रि– इन्स्योरेन्स नेपालकै पहिलो निजी क्षेत्रबाट स्थापित पुनर्बीमा कम्पनी हो । यो कम्पनीमा नेपाल बैंक, राष्ट्रिय वाणिज्य बैंकलगायत गोल्छा ग्रुप, शंकर ग्रुप , इन्फिनिटी ग्रुपलगायत २२ वटा समूहको लगानी रहेको छ ।  

आधाभूत पक्ष  

कम्पनीको गत आर्थिक वर्षको चौंथो त्रैमासिक प्रतिवेदनअनुसार १० अर्ब ४० करोड चुक्तापूँजी रहेको छ भने ४ अर्ब ८६ करोड ९० लाख जगेडा कोषमा रहेको छ । महाविपत्ति कोषमा ११ करोड १० लाख रुपैयाँ रहेको छ । कम्पनीको कुल पूँजी १५ अर्ब ३८ करोड रुपैयाँबराबर रहेको छ । कम्पनीको प्रतिसेयर आम्दानी १२.३४ रुपैयाँ रहेको छ भने बुक भ्यालु १४८ रुपैयाँ रहेको छ । रिर्टन अन इक्विटी ८.३८ रुपैयाँ रहेको छ ।  

फियर एण्ड ग्रिड इन्डेक्स

फियर एण्ड ग्रिड इन्डेक्स आधारमा यो कम्पनी हाल बुलिस सेन्टिमेन्टमा चलेको छ । फियर एण्ड ग्रिड इन्डेक्समा यदि २० भन्दा तल भएमा स्ट्रङ वियरिस र ८० भन्दा माथि रहेमा स्ट्रङ बुलिस भन्ने हो । हाल यो कम्पनी ६० को विन्दु भन्दा माथि रहेको कारण बुलिस यात्रामा देखिन्छ । कम्पनीको ५२ साताको उच्च मूल्य १ हजार १९ र न्यून मूल्य ३४० रुपैयाँ रहेको छ । कम्पनीमा संस्थापक समूहको ७० प्रतिशत र सर्वसाधारण समूहको ३० प्रतिशत स्वामित्व रहेको छ ।  

बोलिङ्गर ब्याण्ड म्याक्डी र आरएसआई  

बोलिङ्गर ब्याण्डको आधारमा यो कम्पनी हाल अपर ब्याण्ड संगै चलेको दखिन्छ । म्याक्डीमा बुलिस क्रसओभरसँगै हिस्टोग्राम सकारात्मक बनेको छन् । आरएसआई ६० भन्दा माथि लागेर बुलिस यात्रामा देखिन्छ । समग्रमा सबै इन्डिकेटरबाट नियाल्दा यो कम्पनीको सेयर भाउ बुलिस यात्रामा चलको देखिन्छ ।  

पिभट् प्वइन्टः  

पिभट् विश्लेषणमार्फत सेयर तथा डेरिभेटिभको  अधिकतम, न्यूनतम र अन्तिम मूल्यलाई आधार मानी यसको भविष्यमा हुने मूल्यको उतारचढाव निकालिन्छ ।  

बढेमा प्रतिरोध  

प्रतिरोध ३ – १०३८

प्रतिरोध २ – ९७५

प्रतिरोध १–  ८१०

पिभट् प्वइन्टः८१०  

घटेमा सपोर्ट  

सपोर्ट १– ७१०

सपोर्ट २– ६४६

सपोर्ट  ३ –५४७

निष्कर्षः आधारभूत रुपमा यो कम्पनीको अवस्था सन्तोषजनक देखिन्छ । कम्पनीको प्रतिसेयर आम्दानी १२.३४ रुपैयाँ रहेको छ भने बुक भ्यालु १४८ रुपैयाँ रहेको छ । कम्पनीको रिर्टन अन इक्विटी ८.३५ प्रतिशत रहेको छ ।  

यो भनेको अघिल्लो आर्थिक वर्षको तुलनामा सामान्य बढी हो । प्राविधिक रुपमा यो कम्पनी फियर एण्ड ग्रीड इन्डेक्समा बुलिस सेन्टिमेन्टमा देखिन्छ । अन्य इन्डिकेटबाट पनि यो कम्पनी हाल अप ट्रेन्डमा देखिन्छ । हाल बुलिस सेन्टिमेन्टमा चलेको यो कम्पनीको सेयर भाउको टार्गेट पिभट् प्वइन्टको तेस्रो विन्दुसम्म हुन सक्छ ।  

नोटः सेयर बजारमा लगानी जोखिमपूर्ण हुन्छ, यो विश्लेषण कारोबारका लागि सिफारिस भने होइन ।