आफ्नो परिवारको दशैंको टिकाको फोटो पोष्ट गरे रु. १० हजार जित्न सकिने

काठमाण्डौ । नेपालीहरुको महान चाड विजयादशमीको अवसरमा सन नेपाल लाइफ इन्स्योरेन्स कम्पनी लिमिटेडले 'हाम्रो परिवार हाम्रो दशैको टीका' नामक फोटो प्रतियोगिता गर्ने भएको छ ।  

नेपाली दाजु भाई तथा दिदी बहिनीमाझ अझ धेरै सद्भाव बढाउने उद्देश्यका साथ कम्पनीले यस्तो प्रतियोगिता आयोजना गर्न लागेको हो ।

यस प्रतियोगितामा भाग लिनको लागि सन नेपाल लाइफको  आधिकारिक फेसबुक र  इन्स्टाग्राम अकाउन्टलाई लाइक र फोलो गरी आफ्नो परिवारसँग खिचिएको बिजया दशमीको टिकाको फोटो आफ्नो फेसबुक र इन्स्टा अकाउन्टमा पोस्ट गरी  क्याप्सनमा दशैंको मिठो सन्देश लेखी सन नेपालको आधिकारिक पेजलाइ मेन्सन गर्नु पर्नेछ । 

 फोटो पोष्ट गर्दा ह्याश ट्याग #sunnepallifeinsurance #हाम्रो_दशैंको_टीका भनेर अनिवार्य रुपमा उल्लेख गर्नु पर्नेछ । यसरी फोटो प्रस्तुत गर्नेहरुमध्ये एक भाग्यशाली विजेताले १० हजार जित्न सक्ने कम्पनीले घोषणा गरेको छ ।  

दशैको टिकाको रमाइलो पललाई सबैले मनमा सजाउनुका साथै सामाजिक सञ्जालमा प्रस्तुत गर्दा सन नेपाल लाइफलाई पनि मेन्सन गर्न कम्पनीले आह्वान गरेको छ ।