(1).gif)
(2).gif)
.png)
काठमाण्डौ । अमेरिकी चिप निर्माता कम्पनी एनभिडियाको सेयरमूल्य हालसम्मकै उच्च कायम भएको छ । सोमबारको कारोबारमा कम्पनीको सेयरमूल्य २.४ प्रतिशतले बढेर प्रतिकित्ता १३८.०७ डलर पुगेको छ ।
यसअघि कम्पनीको सेयरमूल्य गत जुन १८ मा प्रतिकित्ता १३५.५८ डलर पुगेको थियो । यो वर्ष कम्पनीको सेयरमूल्य १७८ प्रतिशतले बढिसकेको छ ।
.gif)
एनभिडिया, अमेरिकाको दोस्रो ठूलो मूल्यवान कम्पनी हो । कम्पनी एप्पल भन्दा मात्रै पछि छ । एप्पलको बजार पूँजीकरण ३.५५ ट्रिलियन डलर छ । एनभिडियाको बजार पूँजीकरण भने ३.४ ट्रिलियन डलर रहेको छ ।
एनभिडियाको सेयरमूल्यले नयाँ उचाई हासिल गरेसँगै आज एशियाली चिप कम्पनीहरुको सेयरमूल्य पनि वृद्धि भएको छ । दक्षिण कोरियाको चिप निर्माता कम्पनी एसके हाईनिक्सको सेयरमूल्य २.५ प्रतिशतले बढेको छ । यो कम्पनीले एनभिडियाका लागि उच्च ब्राण्डविथ मेमोरी चिप उत्पादन गर्छ ।
यस्तै सामसुङ इलेक्ट्रिोनिक्स र ताइवानका चिप निर्माता कम्पनीहरुको सेयरमूल्य पनि बढेको छ ।
.png)
.jpg)
