हिमालय उर्जाको अवितरित हकप्रद सेयर बाँडफाँड, रकम फिर्ता आजदेखि

काठमाण्डौ । हिमालय उर्जा विकास कम्पनी लिमिटेडको अवितरित हकप्रद सेयर बाँडफाँड भएको छ । कम्पनीको १४ लाख ४६ हजार ३५५ कित्ता अवितरित हकप्रद सेयर असोज २९ गते निष्कासनकर्ता कम्पनी नबिल इन्भेष्टमेन्ट बैंकिङको कार्यालयमा बाँडफाँड भएको हो ।  

उक्त हकप्रद सेयरको गोप्य शिलबन्दी बोलपत्र असोज १८ गते खोलिएको थियो । आवेदकहरुको बाँडफाँडमा नपरेको सेयर वापतको रकम फिर्ता भुक्तानी असोज ३० गते

आवेदकले आफ्नो आवेदन फाराममा उल्लेख गरेको बैंक वा वित्तीय संस्थाको खातामा आईपीएसमार्फत रकमान्तर गरिने कम्पनीले जनाएको छ । साथै आफ्नो खातामा रकम जम्मा भए नभएको एकिन गरि रकम जम्मा नभएको खण्डमा नबिल इन्भेष्टमेन्ट बैंकिङ,नारायणचौर नक्सालमा सम्पर्क गर्न कम्पनीले आग्रह गरेको छ ।  

कम्पनीले गत असोज ७ गतेदेखि १४ गतेसम्म १४ लाख ४६ हजार ३५९ कित्ता अवितरित हकप्रद सेयर लिलामीमार्फत बिक्रीमा राखेको थियो । कम्पनीले गत असार १९ गतेसम्म कायम साविकका सेयरधनीहरुका लागि १ कित्ता सेयरबराबर नयाँ १ कित्ता (१ः१) अनुपातमा प्रति कित्ता रु.१०० अंकित दरको ९९ लाख कित्ता हकप्रद सेयरको निष्काशन तथा बिक्री खुला गरेको थियो ।

उक्त हकप्रदमा रितपूर्वक आवेदन दिने ३१ हजार ५८३ जना सेयरधनीहरुलाई ८४ लाख ५३ हजार ६४१ कित्ता हकप्रद सेयर बाँडफाँड भएको थियो । बाँकी रहेको १४ लाख ४६ हजार ३५९ कित्ता हकप्रद सेयर अवितरित रहेको थियो ।  

कम्पनीले उक्त सेयरहरुको बिक्री आवेदन गत असोज ७ गतेदेखि १४ गतेसम्म खुलाएको थियो ।