लगातार तीन दिन बढेको बजारको अबको टार्गेट कति–कतिमा ?

काठमाण्डौ । दशैंपछि लगातार २ कारोबारमा सेयर बजारमा ७५ अंकको बढोत्तरी आएको छ । यो सँगै अब नेप्सेमा २४४० विन्दु नै हालको लागि लो भएको करिब निश्चित भएको छ । यसलाई बजार २७ सय बिन्दुबाट माथि पाँच अर्ब भन्दा बढी कारोबार हुनुले थप पुष्टि गरेको छ ।  

नेप्सेमा अघिल्लोपटकको बुल र यसपटकको बुलमा पनि केही समानता देखिन्छ । १९६० विन्दुबाट माथि बजार लाग्दा पनि कारोबार  ३ अर्बमा सिमित भएपछि बजारले गति लिएको थियो । यसपटक पनि भोल्युम तथा कारोबार निकै ड्राई अप बने पछि पुनःआज पाँच अर्बको कारोबारले उकालो यात्रा तय गरेको छ ।  

इन्डिकेटरबाट नियाल्दा बजार यस अघि नै बुलिस बनेको छ । त्यसैगरि, मुभिङ एभरेजमा बजारले दशैं अगाडि नै गोल्डेन क्रसओभर बनाएको थियो । बजारलाई १५ मिनेटको चार्टबाट नियाल्दा डाउ थेउरीमा हायर हाई र हायर लो का सिरिजहरु बनाएको देखिन्छ । यसकारण बजारलाई सबै इन्डिकेटर तथा प्राइस एक्सनबाट नियाल्दा पष्ट रुपमा नै अप ट्रेन्डमा चलेको देखिन्छ । 

तर बजार सँधै बढेको बढ्यै र घटेको घट्यै पनि नगर्ने भएका कारण केही करेक्सनसहित नै माथि लाग्न सक्छ । आज २७४२ विन्दुमा बन्द भएको बजारले अब २८६० विन्दुसम्म पहिलो टार्गेट र त्यस पछि ३०६० को विन्दुमा दोस्रो टार्गेट सेट हुन सक्छ ।  

नोटः सेयर बजारमा लगानी जोखिमपूर्ण हुुन्छ । यो विश्लेषण कारोबारका लागि सिफारिस भने होइन ।