बिहीबार, चैत्र २१,२०८१ 10:19:05
IME remit
  • बिहीबार, चैत्र २१,२०८१ 10:19:05
IME remit
Global IME Bank Limited

हालसम्म कुन बैंक र वित्तीय संस्थाले कति घोषणा गरे लाभांश ?

Hyundai Nepal
हालसम्म कुन बैंक र वित्तीय संस्थाले कति घोषणा गरे लाभांश ?
Nabil Bank Limited

काठमाण्डौ। हालसम्म ९ वटा बैंक तथा वित्तीय संस्थाले मात्रै लाभांश घोषणा गरेका छन् । नेपाल स्टक एक्सचेञ्ज (नेप्से)मा सूचीकृत कम्पनीहरुमध्ये प्रत्येक आर्थिक वर्षको सञ्चित मुनाफाबाट लगातार आफ्ना सेयरधनीहरुलाई लाभांश बाँड्नेमा बैंक तथा वित्तीय संस्थाहरु पदर्छन् ।  

बैंक तथा वित्तीय संस्थाले प्रत्येक आवको मुनाफाबाट केही प्रतिशत भएपनि लाभांश वितरण गर्ने भएकाले सेयरबजारमा बैंक तथा वित्तीय संस्थाको स्टकमा लगानीकर्ताको आकर्षण देखिन्छ ।  

यसर्थ बैंक तथा वित्तीय समूहको धितोपत्र बजार पुँजीकरणमा समेत हिस्सा ठूलो रहेको छ । नेप्सेमा १९ वटा वाणिज्य बैंक, १५ वटा विकास बैंक, १५ वित्त कम्पनी र ४४ वटा लघुवित्त संस्थाहरु गरी कुल ९३ बैंक तथा वित्तीय संस्थाहरु सूचीकृत छन् ।  

Shivam Cement
Bizshala
CG Motors

तर हालसम्म जम्मा ९ वटा बैंक तथा वित्तीय संस्थाले मात्रै गत आवको मुनाफाबाट लाभांश घोषणा गरेका छन् । जसमध्ये ४ वटा वाणिज्य बैंक, एक विकास बैंक र ४ वटा लघुवित्त संस्था छन् । वित्त समूहबाट हालसम्म कुनै पनि संस्थाले लाभांश प्रस्ताव गरेका छैनन् । लाभांंश सिजन सुरु भएसँगै धमाधम बैंक तथा वित्तीय संस्थाले लाभांश घोषणा गर्न थालेका छन् । सेयरबजारमा लगानीकर्ताहरुको आकर्षण पनि देखिएको छ ।  

अझ विशेषगरी वाणिज्य बैंक र विकास बैंकहरुले आफ्ना सेयरधनीहरुलाई लाभांश दिने गर्दछन् । बैंकको तुलनामा वित्तीय संस्थाहरुले गत आवमा अधिकांशले सेयरधनीहरुको हात रित्तो बनाएका थिए । वाणिज्य बैंकहरुले केही प्रतिशत भएपनि बोनस सेयर वा नगद लाभांश भएपनि आफ्ना सेयरधनीहरुलाई वितरण गर्दै आएका छन् ।  

अझैपनि १५ वटा वाणिज्य बैंकको लाभांश घोषणा हुन बाँकी छ भने विकास बैंकतर्फ १४ वटा बैंकको लाभांश घोषणा हुन बाँकी छ । साथै, वित्त समुहतर्फ सबै कम्पनीको लाभांश घोषणा हुन बाँकी छ भने लघुवित्त संस्था समूहतर्फबाट ४० वटा संस्थाको लाभांश घोषणा हुन बाँकी नै छ ।  

Laxmi Sunrise Bank Limited
Sagarmatha Cement
Muktinath Bikas Bank Limited

अझैपनि दोस्रो बजारमा बैंक तथा वित्तीय संस्थाहरुको सेयर खरिद गर्दा लाभांश पाउन सक्ने सम्भावना रहेको छ ।  

वाणिज्य बैंकतर्फ सानिमा बैंक, ग्लोबल आइएमई बैंक, एभरेष्ट बैंक र सिटिजन्स बैंकले मात्रै हालसम्म लाभांश घोषणा गरेका छन् । विकास बैंकतर्फ कामना सेवा विकास बैंक र लघुवित्त समूहतर्फ फरवार्ड माइक्रोफाइनान्स, स्वाबलम्बन लघुवित्त, आशा लघुवित्त र गुराँस लघुवित्तले लाभांश घोषणा गरिसकेका छन् ।  

लाभांश घोषणा गरेका कुल ९ वटा बैंक तथा वित्तीय संस्थामध्ये ४ वटा संस्थाको लाभांश वितरण प्रयोजनार्थ बुकक्लोज भइसकेको छ भने ५ वटा बैंक तथा वित्तीय संस्थाको बुकक्लोज हुन बाँकी नै छ । यसर्थ ५ बैंक तथा वित्तीय संस्थाको सेयर खरिद गर्दा अझ पनि लाभांश पाउन सकिन्छ ।

 

Nepal Investment Mega Bank Limited
Shivam Cement
New Office
Bizshala
Shikhar Insurance
Bizshala

हाम्रो बारेमा

Bizshala.com, operated by SOS Media Pvt. Ltd., stands as Nepal's premier financial news portal. With a keen focus on the economy, capital markets, real estate, banking and financial institutions, merchant banking, investment tools, insurance, tourism, the automotive industry, and beyond, it delivers fresh, in-depth, and investigative reporting. Since its inception, Bizshala has rapidly emerged as the nation's leading economic news platform, driven by a team of seasoned and accomplished financial journalists. Committed to delivering investigative, accurate, and innovative content, Bizshala approaches every story through a distinct economic lens, catering to the interests and curiosities of its readers.