पूँजीगत लाभकर ७७% ले घट्यो, असोजमा सरकारले उठायो जम्मा रु.५८.६५ करोड

काठमाण्डौ । सरकारले असोज महिनामा सेयर बजारबाट ५८ करोड ६५ लाख रुपैयाँ पूँजीगत लाभकर संकलन गरेको छ । सीडीएस एण्ड क्लियरिङको तथ्यांकअनुसार असोज महिनामा सरकारले संलकन गरेको पूँजीगत लाभकर भदौ महिनाको तुलनामा ७७ प्रतिशतले कम हो ।  

भदौ महिनामा सेयर बजारबाट सरकारले २ अर्ब ५७ करोड ९४ लाख रुपैयाँबराबरको पूँजीगत लाभकर उठाएको थियो । यस्तै साउनमा सेयर बजारबाट ४ अर्ब २३ करोड ७८ लाख ६१ हजार रुपैयाँबराबरको पूँजीगत लाभकर संकलन गरेको थियो । साउन महिनाभरमा नेप्सेमा ४१४ अर्ब हाराहारीमा सेयर कारोबार भएको थियो । यो महिनामा नेप्से परिसूचक ६९०.२२ अंकले बढेको थियो।   ।    

सीडीएस एण्ड क्लियरिङका अनुसार असोज महिनामा सरकारले व्यक्तिगत दीर्घकालीन पूँजीगत लाभकर २३ करोड ६५ लाख ६९ हजार रुपैयाँ र व्यक्तिगत अल्पकालीन पूँजीगत लाभकर २८ करोड ८५ लाख ६३ हजार रुपैयाँ संकलन गरेको छ ।