नेप्सेको चार्टमा ‘बुलिस हरामी’, अबको सम्भावना कस्तो ?

काठमाण्डौ । केही दिनको गिरावटपछि नेप्सेको चार्टमा फेरि आज ‘बुलिस हरामी’ क्यान्डल बनेको छ । जापानिज भाषामा ‘हरामी’को अर्थ गर्भवती महिला भन्ने बुझिन्छ । जब क्यान्डल स्टिकको प्याटर्न बन्दा दुई क्यान्डल जोडेर हेर्दा यदि चार्टमा गर्भवती महिला जस्तो आकृति बन्छ भने त्यसलाई ‘हरामी’ क्यान्डल भनेर बुझिन्छ ।

दुईवटा क्यान्डलमा पहिलो क्यान्डल आमाको आकृति र दोस्रो क्यान्डल बच्चाको जस्तो आकृति बन्छ (हेर्नुहोस् तस्बिरमा) भने बुलिस हरामी र बियरिस हरामी भन्ने हुन्छ ।  

बुलिस हरामी चार्टको न्यून विन्दुमा बन्ने गर्छ । यदि रातो लामो क्यान्डलको ठीकपछि छोटो हरियो क्यान्डल बन्छ भने त्यसलाई बुलिस हरामी भनेर बुभिन्छ (हेर्नुहोस् एरो)। यसले ट्रेन्ड परिर्वतनको संकेत गर्छ ।  

यदि घटिरहेको बजारमा यस्तो आकृति बन्छ भने त्यसले बाटो परिवर्तन गर्ने संकेत गर्छ । यस्तो अवस्थामा खरिदकर्ता हाबी भएका हुन्छन् । यस विपरीत यदि पहिलो क्यान्डल लामो हरियो र दोस्रो क्यान्डल छोटो रातो बन्छ भने यसलाई बियरिस हरामी भनेर बुझिन्छ । यस्तो आकृति चार्टको माथि बन्छ र बिक्रीकर्ता हाबी भएका हुन्छन् । यसलाई पनि ट्रेन्ड परिवर्ततको संकेतका रुपमा बुझिन्छ ।

आज केही दिनको गिरावटपछि नेप्सेको चार्टमा बुलिस हरामी क्यान्डल बनेको देखिन्छ । यसले ट्रेन्ड रिभर्सलको संकेत गर्छ । तर यसको निश्चिताका लागि भने आगमी दिनमा बजार २७०० सय विन्दुभन्दा माथि टिक्नु पर्ने हुन्छ ।  

नोटः सेयर बजारमा लगानी जोखिमपूर्ण हुन्छ । यो विश्लेषण कारोबारको लागि सिफारिस भने होइन ।