.gif)
_(1).gif)
.png)
काठमाण्डौ । घोराही सिमेन्ट इण्डष्ट्रि लिमिटेडले चालु आवको दोस्रो त्रैमाससम्मको वित्तीय विवरण सार्वजनिक गरेको छ । जसअनुसार कम्पनीले यो अवधिसम्म ४१ करोड ८४ लाख रुपैयाँ घाटा व्यहोरेको छ । अघिल्लो आवको दोस्रो त्रैमाससम्म भने कम्पनी १ करोड ५४ लाख रुपैयाँ नाफामा रहेको थियो ।
कम्पनीको खुद आम्दानी ४६.७७ प्रतिशतले घटेको छ । कम्पनीले यो अवधिसम्म १९ करोड ४७ लाख रुपैयाँ खुद आम्दानी गरेको छ । अघिल्लो आवको सोहि अवधिसम्म कम्पनीके खुद आम्दानी ३६ करोड ५८ लाख रुपैयाँ थियो । कम्पनीको अन्य आम्दानी ११ लाख ७६ हजार रुपैयाँ रहेको छ ।
(1).gif)
त्यस्तै कम्पनीले प्रशासनिक,बिक्री तथा वितरणमा १५ करोड ५८ लाख रुपैयाँ खर्च गरेको छ । कम्पनीको वित्त खर्च २६ करोड ५६ लाख रुपैयाँ रहेको छ ।
कम्पनीको रिटेन्ड अर्निङ २४.१५ प्रतिशतले घटेर २ अर्ब ९९ करोड रुपैयाँमा सीमित भएको छ । अन्य रिजर्भ ७ करोड ९० लाख रहेको कम्पनीको सेयर प्रिमियम रिजर्भ २ अर्ब ६५ करोड रुपैयाँ कायम भएको छ ।
समीक्षा अवधिसम्म कम्पनीको प्रतिसेयर आम्दानी ९.१६ रुपैयाँ ऋणात्मक,प्रतिसेयर नेटवर्थ २२५.४५ रुपैयाँ,प्रतिसेयर कुल सम्पत्तिको मूल्य ५३१.३५ रुपैयाँ र तरलता अनुपात ०.८६३ गुणा कायम भएके छ ।
.gif)
.png)
(91).jpg)
(4).png)
.jpg)
(1).jpg)
(1).gif)
.gif)
