सन नेपाल लाइफ इन्स्योरेन्सद्वारा मार्केटिङ म्यानेजर इन्स्टलेसन कार्यक्रम सम्पन्न

काठमाण्डौ । सन नेपाल लाइफ इन्स्योरेन्सले असोज मसान्तसम्म नियुक्त हुने मार्केटिङ म्यानेजरहरुलाई ग्राण्ड होटेल पोखरामा २०८१ कात्तिक ९ र १० गते १ रात २ दिनको मार्केटिङ म्यानेजर इन्स्टलेसन प्रोग्राम टाइटलको ग्राण्ड कार्यक्रम आयोजना गरेको छ । 

कार्यक्रममा कम्पनीका प्रमुख कार्यकारी अधिकृत राजकुमार अर्याल, प्रमुख बजार अधिकृत गणेश चौलागाइ, ट्रेनर तथा लाइफ कोच रविन कटुवाललगायत प्रदेश प्रमुख तथा विभिन्न शाखा प्रमुखहरुको उपस्थिति रहेको थियो । उक्त कार्यक्रममा देशैभरबाट ५०० जनाभन्दा बढिको सहभागिता रहेको थियो ।

कार्यक्रममा कम्पनीकी ब्राण्ड एम्बेसडर कुञ्जना घिमिरे(सुन्तली) ले अभिकर्ता मार्फत सामाजिक रुपमा सेवा प्रदान गराउँदै व्यवसायिक रुपमा अर्थाेपार्जन गर्न सकिने बताइन् र महिलाहरुले गृहिणीको रुपमा मात्र सिमित नरही व्यवसायिक रुपमा अभिकर्ता मार्फत र आत्मनिर्भर र सामाजिक रुपान्तरण गर्न आग्रह गरिन् ।  

कम्पनीका प्रमुख कार्यकारी अधिकृत राजकुमार अर्यालले  यस डिजिटल युगमा डिजिटल साक्षरताको महत्वबारे चर्चा गरे । उनले यस प्रतिस्पर्धात्मक युगमा डिजिटलाइजेसनले अभिकर्ताहरुलाई  सफल बनाउन कसरी मद्दत गर्न सक्छ भन्ने कुरामा मार्ग दर्शन पनि दिए । साथै, उनले आफ्ना अभिकर्ताहरुलाई अझ राम्रो कार्य सम्पादन गर्न र ग्राहकलाई  सुरक्षित जीवनको प्रत्याभूति दिलाउन नवीनतम योजनाहरु  ल्याउन काम गरिरहेको जानकारी दिए ।