देउसीभैलोमा मस्त लगानीकर्ता, मनमुटुमा भने नेप्सेकै झझल्को !

काठमाण्डौ । हिन्दुहरुको दोस्रो महान पर्व तिहार चलिरहँदा सेयर बजारका लगानीकर्ताहरु पनि देउसी र भैलोमा मस्त छन् ।  

सेयर बजारको उत्तारचढाव बिर्सिएर लगानीकर्ता देशका विभिन्न स्थानमा देउसीभैलोमा रमेका हुन् । 

यसै सिलसिलामा केही लगानीकर्ताहरुले लक्ष्मीपूजासँगै रंगोलीको रुपमा नेप्से चार्ट पनि बनाएका छन् ।

सेयर लगानीकर्ता दुर्गा गौतमले आफूहरु स्थानीय समाजको तर्फबाट आफ्नै घरमा देउसीभैलो खेलेको जानकारी दिए । 

आफूहरु ४० जनाको सदस्य भएर बिदामा रमाइलो गरेको गौतमले जानकारी दिए ।  

त्यसैगरी, सेयर लगानीकर्ता खोमनाथ प्याकुरेलले पनि आफूहरु काठमाण्डौको पेप्सीकोलामा केही लगानीकर्ताहरु केशव कोइराल, गोपाल स्वामीसहित मिलेर देउसीभैलो खेलेको जानकारी दए ।