आजसम्म कायम सेयरधनी यी २ कम्पनीको हकप्रद पाउन योग्य हुने

काठमाण्डौ । नेपाल स्टक एक्सचेञ्ज(नेप्से)मा आजसम्म कायम सेयरधनीहरुले लिबर्टी इनर्जी र बलेफि हाईड्रोपावरको हकप्रद पाउने भएका छन् ।  

कम्पनीले हकप्रद निष्कासन प्रयोजनका लागि भोलि(कात्तिक २१ गते)एक दिन बुक क्लोज गर्ने निर्णय गरेकाले आजसम्म कायम सेयरधनीहरु मात्रै कम्पनीको हकप्रदमा आवेदन दिन योग्य हुनेछन् ।  

लिबर्टी इनर्जीले ५० प्रतिशत अर्थात १ः०.५ अनुपातमा हकप्रद निष्कासन गर्नेछ । 

त्यस्तै बलेफि हाईड्रोपावरले हाल कायम चुक्तापूँजी १ अर्ब ८२ करोड ७९ लाख ७० हजार रुपैयाँबराबरको प्रतिसेयर रु.१०० अंकित दरका १ करोड ८२ लाख ७९ हजार ७ सय कित्ता साधारण सेयरको १ः१ अनुपातमा हकप्रद सेयर जारी गर्नेछ ।