बिहीबार, चैत्र २१,२०८१ 10:17:48
IME remit
  • बिहीबार, चैत्र २१,२०८१ 10:17:48
IME remit
Global IME Bank Limited

१६ बैंक तथा वित्तीय संस्थाले गरे लाभांश घोषणा, कुनको कति ?

Hyundai Nepal
१६ बैंक तथा वित्तीय संस्थाले गरे लाभांश घोषणा, कुनको कति ?
Nabil Bank Limited

काठमाण्डौं । लाभांश सिजन सुरु भएसँगै नेप्सेमा सूचीकृत कम्पनीहरुले धमाधम लाभांश घोषणा गर्न थालेका छन् । नेप्सेमा सूचीकृत कम्पनीहरुमध्ये लगानीकर्ताहरुलाई निरन्तर लाभांश बाँड्नेमा बैंक तथा वित्तीय संस्थाहरु पर्दछन् ।  

हालसम्म १६ वटा बैंक तथा वित्तीय संस्थाले मात्रै लाभांश घोषणा गरेका छन् । नेप्सेमा सूचीकृत कम्पनीहरुमध्ये प्रत्येक आर्थिक वर्षको सञ्चित मुनाफाबाट लगातार आफ्ना सेयरधनीहरुलाई लाभांश बाँड्नेमा बैंक तथा वित्तीय संस्थाहरु अगाडी छन् ।  

Shivam Cement
Bizshala
CG Motors

बैंक तथा वित्तीय संस्थाले प्रत्येक आवको मुनाफाबाट केही प्रतिशत भएपनि लाभांश वितरण गर्ने भएकाले सेयरबजारमा बैंक तथा वित्तीय संस्थाको स्टकमा लगानीकर्ताको आकर्षण देखिन्छ ।  

यसर्थ बैंक तथा वित्तीय समूहको धितोपत्र बजार पुँजीकरणमा समेत हिस्सा ठूलो रहेको छ । नेप्सेमा १९ वटा वाणिज्य बैंक, १५ वटा विकास बैंक, १५ वित्त कम्पनी र ४४ वटा लघुवित्त संस्थाहरु गरी कुल ९३ बैंक तथा वित्तीय संस्थाहरु सूचीकृत छन् ।  

तर हालसम्म भने जम्मा १६ वटा बैंक तथा वित्तीय संस्थाले मात्रै गत आवको मुनाफाबाट लाभांश घोषणा गरेका छन् । जसमध्ये ७ वटा वाणिज्य बैंक, एक विकास बैंक र ८ वटा लघुवित्त संस्था छन् । वित्त समूहबाट हालसम्म कुनै पनि संस्थाले लाभांश प्रस्ताव गरेका छैनन् ।  

विशेषगरी नेप्सेमा ठूला कम्पनीको वर्गमा गनिने वाणिज्य बैंकहरुले आफ्ना सेयरधनीहरुलाई बोनस सेयर वा नगद लाभांश भएपनि दिने गरेका छन् । बैंकको तुलनामा वित्तीय संस्थाहरुले गत आवमा अधिकांशले सेयरधनीहरुको हात रित्तो बनाएका थिए । यसकारण पनि दोस्रो बजारमा दीर्घकालिन लगानीका लागि वाणिज्य बैंकहरुको सेयर खरिद गर्दा उचित हुने लगानीकर्ताहरुको धारणा छ ।  

Laxmi Sunrise Bank Limited
Sagarmatha Cement
Muktinath Bikas Bank Limited

अझैपनि १२ वटा वाणिज्य बैंकको लाभांश घोषणा हुन बाँकी छ भने विकास बैंकतर्फ १४ वटा बैंकको लाभांश घोषणा हुन बाँकी छ । साथै वित्त समुहतर्फ सबै कम्पनीको लाभांश घोषणा हुन बाँकी छ भने लघुवित्त संस्था समूहतर्फबाट ३६ वटा संस्थाको लाभांश घोषणा हुन बाँकी नै छ ।  

अझैपनि दोस्रो बजारमा बैंक तथा वित्तीय संस्थाहरुको सेयर खरिद गर्दा लाभांश पाउन सक्ने सम्भावना रहेको छ ।  

वाणिज्य बैंकतर्फ सानिमा बैंक, ग्लोबल आइएमई बैंक, एभरेष्ट बैंक, सिटिजन्स बैंक, नबिल बैंक, प्राइम कमर्सियल बैंक र स्ट्याण्डर्ड चार्टर्ड बैंकले मात्रै हालसम्म लाभांश घोषणा गरेका छन् । विकास बैंकतर्फ कामना सेवा विकास बैंक र लघुवित्त समूहतर्फ फरवार्ड माइक्रोफाइनान्स, स्वाबलम्बन लघुवित्त, आशा लघुवित्त, गुराँस लघुवित्त, फर्स्ट माइक्रोफाइनान्स, नेशनल लघुवित्त, सर्पोट लघुवित्त र आरएसडीसी लघुवित्तले लाभांश घोषणा गरिसकेका छन् ।  

लाभांश घोषणा गरेका कुल १६ वटा बैंक तथा वित्तीय संस्थामध्ये ७ वटा संस्थाको लाभांश वितरण प्रयोजनार्थ बुकक्लोज भइसकेको छ भने ९ वटा बैंक तथा वित्तीय संस्थाको बुकक्लोज हुन बाँकी नै छ । यसर्थ ९ बैंक तथा वित्तीय संस्थाको सेयर खरिद गर्दा अझ पनि लाभांश पाउन सकिनेछ ।

 

Nepal Investment Mega Bank Limited
Shivam Cement
New Office
Bizshala
Shikhar Insurance
Bizshala

हाम्रो बारेमा

Bizshala.com, operated by SOS Media Pvt. Ltd., stands as Nepal's premier financial news portal. With a keen focus on the economy, capital markets, real estate, banking and financial institutions, merchant banking, investment tools, insurance, tourism, the automotive industry, and beyond, it delivers fresh, in-depth, and investigative reporting. Since its inception, Bizshala has rapidly emerged as the nation's leading economic news platform, driven by a team of seasoned and accomplished financial journalists. Committed to delivering investigative, accurate, and innovative content, Bizshala approaches every story through a distinct economic lens, catering to the interests and curiosities of its readers.