(1).gif)
(2).gif)
.png)
काठमाण्डौ । साहस उर्जा लिमिटेडले चालु आवको पहिलो त्रैमासको अपरिष्कृत वित्तीय विवरण सार्वजनिक गरेको छ । प्रतिवेदनअनुसार कम्पनीको समग्र वित्तीय अवस्था सन्तोषजनक देखिन्छ । कम्पनीले यो अवधिसम्म ४० करोड २ लाख रुपैयाँ खुद नाफा आर्जन गरेको छ ।
यो रकम अघिल्लो आवको तुलनामा १६.०७ प्रतिशतले बढी हो । अघिल्लो आवसम्म भने कम्पनीले ३४ करोड ४८ लाख रुपैयाँबराबरको खुद नाफा आर्जन गरेको थियो । कम्पनीको विद्युत बिक्री आम्दानी भने २.९३ प्रतिशतले घट्दै ८६ करोड ७१ लाख रुपैयाँमा सीमित बनेको छ ।
.gif)
कम्पनीको प्रशासनिक खर्च भने २ करोड ५९ लाख रुपैयाँबाट घटेर १ करोड ८३ लाख रुपैयाँ र वित्त खर्च पनि ३२ करोड ८९ लाख रुपैयाँबाट घटेर २३ करोड ४० लाख रुपैयाँमा झरेको छ ।
यो अवधिमा कम्पनीको रिजर्भको आकार २ अर्ब ४९ करोडबाट बढेर २ अर्ब ९६ करोड रुपैयाँ पुगेको छ ।
समीक्षा अवधिसम्म कम्पनीको प्रतिसेयर आम्दानी ४५.७४ रुपैयाँ, प्रतिसेयर नेटवर्थ १८४.८९ रुपैयाँ, प्रतिसेयर कुल सम्पत्तिको मूल्य ५०३.४५ रुपैयाँ, पीई रेसियो १०.६० गुणा र तरलता अनुपात ०.४५ प्रतिशत कायम भएको छ ।
.png)
.jpg)
.jpg)
.jpg)
