सगरमाथा जलविद्युतको नाफा २८.६६% ले घट्यो, आम्दानीमा पनि १९.१४% को संकुचन

काठमाण्डौ । सगरमाथा जलविद्युत कम्पनीको मुनाफामा २८.६६ प्रतिशतको गिरावट आएको छ । कम्पनीले सार्वजनिक गरेको चालु आवको पहिलो त्रैमाससम्मको अपरिष्कृत वित्तीय विवरणअनुसार कम्पनी ३ करोड ९८ लाख रुपैयाँ खुद नाफा कमाउन सफल भएको छ ।  अघिल्लो आवको सोही अवधिसम्म कम्पनीको खुद मुनाफा ५ करोड ५८ लाख रुपैयाँ थियो ।  

यस्तै समीक्षा अवधिसम्म कम्पनीले विद्युत बिक्रीबाट ८ करोड ७१ लाख रुपैयाँ कमाएको छ । जुन अघिल्लो आवसम्म कम्पनीले कमाएको १० करोड ७७ लाखको तुलननामा १९.१४ प्रतिशतले कम हो । यो अवधिसम्म कम्पनीको रोयल्टी खर्च १७ लाख ४२ हजार,आयोजना खर्च ४४ लाख ८८ हजार र प्रशासनिक खर्च ३४ लाख ७४ हजार रुपैयाँ रहेको छ ।  

कम्पनीको चुक्तापूँजी १ अर्ब १२ करोड रहेको छ । यो अवधिसम्म कम्पनीले रिटेन्ड अर्निङको आकार १५ करोड ५१ लाख रुपैयाँ पुगेको छ ।  

समीक्षा अवधिसम्म कम्पनीको प्रतिसेयर आम्दानी १४.२४ रुपैयाँ, प्रतिसेयर नेटवर्थ ११३.८५ रुपैयाँ, प्रतिसेयर कुल सम्पत्तिको मूल्य २०७.२३ रुपैयाँ, पीई रेसियो ४०.५२ गुणा र तरलता अनुपात १.६० प्रतिशत कायम भएको छ ।