सुनको मूल्यमा भारी गिरावट, एकैदिन ५० डलरले घट्यो

काठमाण्डौ । अन्तराष्ट्रिय बजारमा सुनको मूल्यमा गिरावट आउने क्रम आज पनि जारी रहेको छ । आज अन्तराष्ट्रिय बजारमा स्ुनको मूल्य १.९२ प्रतिशत अर्थात ५० डलरले घटेको छ ।  

यससँगै सुनको मूल्य अन्तराष्ट्रिय बजारमा प्रतिऔंस २ हजार ५६० डलरमा कारोबार भईरहेको छ ।  अमेरिकी अर्थतन्त्रमा उपभोक्ता मूल्य वृद्धि भएको प्रतिवेदन सार्वजनिक भएसँगै अमेरिकी डलरको भाउ र बोन्डको प्रतिफल समेत बढेको छ । जसका कारण सुनको मूल्यमा भारी गिरावट आएको हो ।  

यस्तै अमेरिकी श्रम बजारमा समेत क्रमिक सुधार आईरहेकाले मुद्रास्फिती कम हुँदै गएको छ ।  

आज चाँदीको मूल्य पनि घटेको छ । चाँदीको मूल्य प्रतिऔंस ०.३६ डलरले घटेको छ । आज चाँदीको मूल्य अन्तराष्ट्रिय बजारमा प्रतिऔंस ३०.१६ डलरमा कारोबार भईरहेको छ ।