खर्च र दाबी भुक्तानी बढ्दा नेको इन्स्योरेन्सको नाफा १९.९६% ले घट्यो

काठमाण्डौ । नेको इन्स्योरेन्स कम्पनी लिमिटेडको खुद बीमाशुल्क आर्जन सामान्य बढेको छ । तर खर्च र दाबी भुक्तानी वृद्धि हुँदा कम्पनीको खुद नाफा भने घटेको छ ।  

कम्पनीले आज सर्वाजनिक गरेको चालु आवको पहिलो त्रैमासको वित्तीय विवरण अनुसार कम्पनीको खुद नाफा १९.९६ प्रतिशतले घटेको छ । यससँगै अघिल्लो आवको पहिलो त्रैमाससम्म ८ करोड ८० लाख रुपैयाँ रहेको कम्पनीको खुद नाफा ७ करोड ४ लाख रुपैयाँमा सीमित बनेको छ ।  

यो अवधिमा कम्पनीले २८ करोड ५५ लाख रुपैयाँबराबरको खुद बीमाशुल्क आर्जन गरेको छ । जुन अघिल्लो आवको तुलनामा ३.१२ प्रतिशतले बढी हो । कम्पनीको कुल आम्दानी भने ४९ करोड ८९ लाख रुपैयाँबराबर रहेको छ ।  

यस्तै कम्पनीको खुद दाबी भुक्तानी पनि २० करोड २९ लाख रुपैयाँबाट बढेर २३ करोड ३३ लाख रुपैयाँ पुगेको छ । कम्पनीको कुल खर्च पनि ३७ क।ोड ६ लाख रुपैयाँबाट बढेर ३९ करोड ८२ लाख रुपैयाँ पुगेको छ ।  

महाविपत्ती कोषमा १४ करोड ९१ लाख रुपैयाँ सञ्चित गरेको कम्पनीले रिटेन्ड अर्निङका लागि ५९ करोड ८८ लाख रुपैयाँको व्यवस्था गरेको छ ।  

समीक्षा अवधिसम्म कम्पनीको प्रतिसेयर आम्दानी(ईपीएस) १४.०१ रुपैयाँ, प्रतिसेयर नेटवर्थ २७९.८१ रुपैयाँ, मूल्य आम्दानी अनुपात ६७.३९ गुणा र प्रतिसेयर कुल सम्पत्तिको मूल्य ५७३.९९ रुपैयाँ कायम भएको छ ।