खर्च घट्दा जोशी हाईड्रोको घाटा ३०% ले घट्यो, रिटेन्ड अर्निङ १७.७९ करोडले ऋणात्मक

काठमाण्डौ । खर्चमा गरेको कटौतीका कारण जोशी हाईड्रोपावरको घाटामा कमी आएको छ । कम्पनीले चालु आवको पहिलो त्रैमाससम्म ४८ लाख ८ हजार रुपैयाँ घाटा व्यहोरेको छ । यो घाटा अघिल्लो आवको सोही अवधिको तुलनामा ३०.१३ प्रतिशतले कम हो । अघिल्लो आवको पहिलो त्रैमाससम्म कम्पनीको घाटा ४ करोड ८७ लाख रुपैयाँबराबर थियो ।  

यो अवधिमा कम्पनीको विद्युत बिक्री आम्दानी भने घटेको छ । अघिल्लो आवमा १ करोड ७७ लाख रुपैयाँ रहेको विद्युत बिक्री आम्दानी घटेर ९८ लाख ५६ हजार रुपैयाँमा सीमित बनेको छ ।  

समीक्षा अवधिमा कम्पनीको प्रशासनिक खर्च ७६.५९ प्रतिशतले घटेर १८ लाख २२ हजार, वित्त खर्च ७४.९९ प्रतिशतले घटेर ४९ लाख र ह्रासकट्टी खर्च ७९ प्रतिशतले घटेर ५६ लाख रुपैयाँमा सीमित बनेको छ ।  

कम्पनीको रिटेन्ड अर्निङ १७ करोड ७९ लाख रुपैयाँले ऋणात्मक अवस्थामा रहेको छ ।  

समीक्षा अवधिसम्म कम्पनीको प्रतिसेयर आम्दानी १.२९ रुपैयाँ ऋणात्मक, प्रतिसेयर नेटवर्थ ५२.०७ रुपैयाँ, प्रतिसेयर कुल सम्पत्तिको मूल्य १२५.०५ रुपैयाँ,पीई रेसियो २५१.०३ गुणा र तरलता अनुपात ०.०४ प्रतिशत कायम भएको छ ।