भिजन लुम्बिनी उर्जाको नाफामा ८२.४७% को गिरावट, कस्तो छ समग्र वित्तीय अवस्था ?

काठमाण्डो । भिजन लुम्बिनी उर्जा कम्पनी लिमिटेडको नाफामा ८२.४७ प्रतिशतको गिरावट आएको छ । कम्पनीले सार्वजनिक गरेको वित्तीय विवरणअनुसार कम्पनीले चालु आवको पहिलो त्रैमाससम्म १ करोड १२ लाख रुपैयाँ खुद नाफा आर्जन गरेको छ । अघिल्लो आवको सोही अवधिसम्म भने कम्पनीले ६ करोड ४४ लाख रुपैयाँ खुद नाफा कमाएको थियो । ्

कम्पनीको सेती नदि हाईड्रोइलेक्ट्रिक परियोजना निर्माण कार्य अन्तिम चरणमा रहेकाले कम्पनीले यो अवधिसम्म विद्युत बिक्रीमार्फत कुनै पनि आम्दानी गरेको छैन । कम्पनीले उक्त आयोजनाको यान्त्रिक परीक्षणको काम सकिएर परीक्षण उत्पादनको काम सुरु भएको जनाएको छ । कम्पनीले आईएफआरआईसी १२ को निर्माणबाट २३ करोड २१ लाख रुपैयाँ आम्दानी गरेको छ ।  

यो अवधिमा कम्पनीको कुल आम्दानी भने १ करोड ३१ लाख रुपैयाँ रहेको छ ।  

समीक्षा अवधिसम्म कम्पनीको प्रशासनिक खर्च १ लाख ५६ हजार र हा्रसकट्टी खर्च १६ लाख ९६ हजार रुपैयाँ रहेको छ । १ अर्ब ९१ करोड रुपैयाँबराबरको चुक्तापूँजी भएको कम्पनीले रिटेन्ड अर्निङमा ६८ करोड ४५ लाख रुपैयाँ सञ्चित गरेको छ ।  

पहिलो त्रैमाससम्म कम्पनीको प्रतिसेयर आम्दानी २.३६ रुपैयाँ, प्रतिसेयर नेटवर्थ १३५.७९ रुपैयाँ,प्रतिसेयर कुल सम्पत्तिको मूल्य ३५८ रुपैयाँ, मूल्य आम्दानी अनुपात २५७.६३ गुणा र तरलता अनुपात १.११ प्रतिशत कायम भएको छ ।