भारतको सेयर बजारमा हरियाली कायमै, जापान र दक्षिण कोरियाली बजार समेत वृद्धि

काठमाण्डौ । आज भारतको सेयर बजारमा आज हरियाली छाएको छ । भारतको सेयर बजार मापक इनडेक्स, सेन्सेक्स आज १.२५ प्रतिशत अर्थात ९९२.७४ अंकले बढेको छ । यससँगै सेन्सेक्स आज ८० हजार १०९ विन्दुमा उक्लिएको छ ।  

यस्तै आज निफ्टी५० पनि ३१४ अंकले बढेको छ । यो वृद्धिसँगै निफ्टी५० २४ हजार २२१ विन्दुमा पुगेको छ ।  

सेन्सेक्समा कारोबार हुने ३० वटा कम्पनीको सेयरमध्ये आज २४ वटाको सेयरमूल्य बढ्यो भने ६ वटाको मात्रै घट्यो । निफ्टीमा कारोबार हुने ५० कम्पनीको सेयरममध्ये ४३ वटाको बढ्दा ७ वटामा मात्रै गिरावट आयो ।  

यसअघि गत शुक्रबार पनि सेन्सेक्स १ हजार ९६१ अंक र निफ्टी ५५७ अंकले बढेको थियो ।  

आज अन्य एशियाली बजारमा जापानको निक्की२२५ इन्डेक्स १.३० प्रतिशत र दक्षिण कोरियाको कोस्पी १.३२ प्रतिशतले बढेका छन् । चीनको साङघाई कम्पोजिटमा भने आज ०.११ प्रतिशतको गिरावट आएको छ ।