१० बीमा कम्पनीको सेयरभाउ बढ्यो, एलआइसीका लगानीकर्ताले सर्वाधिक गुमाए

काठमाण्डौ । साताको चौथो कारोबार दिन सेयरबजारमा दोहोरो अंकको गिरावट आएको छ । नेप्से परिसूचक २४.९७ अंकले घटेर २७५०.८७ विन्दुमा कायम भएको छ । नेप्सेमा सूचीकृत ३२० कम्पनीको २ करोड ३ लाख ३२ हजार ६६ कित्ता सेयर किनबेच हुँदा ९ अर्ब १३ करोड रुपैयाँमाथिको कारोबार भएको छ । नेप्सेमा रहेका १३ उपसूचकमध्ये आज ३ समूहमा मात्रै हरियाली छाएको छ भने बाँकी सबै उपसूचक राताम्य भएका छन् । बीमा समूहका दुईवटै उपसूचक घटेका छन् ।

जीवन बीमा समूह १.५० प्रतिशत र निर्जीवन बीमा उपसूचक ०.३३ प्रतिशतले घटेको छ । आज १० वटा बीमा कम्पनीको मात्रै सेयरभाउ बढेको छ । सर्वाधिक कमाउने वा सेयरभाउ बढ्ने बीमा कम्पनीमा सन नेपाल लाइफ रहेको छ । कम्पनीको सेयरभाउ ३.१३ प्रतिशतले बढेर ६६३.१० रुपैयाँ पुगेको छ । 

त्यस्तै, सिटिजन लाइफको २.४२ प्रतिशत, रिलायबल नेपाल लाइफको १.१६ प्रतिशत, एशियन लाइफको १.०५ प्रतिशत, आइएमई लाइफको ०.६१ प्रतिशत, सुर्यज्योति लाइफको ०.६० प्रतिशत, आरबीसीएलको ०.९४ प्रतिशत, प्रभु इन्स्योरेन्सको ०.३९ प्रतिशत, शिखर इन्स्योरेन्सको ०.२४ प्रतिशत र सिद्धार्थ प्रिमियर इन्स्योरेन्सको ०.१० प्रतिशतले बढेको छ । यसका साथै आज सर्वाधिक गुमाउने बीमा कम्पनीमा भने एलआइसी नेपाल रहेको छ । कम्पनीको सेयरभाउ १० प्रतिशतले घटेर १४४० रुपैयाँ कायम भएको छ । 

त्यस्तै, एनएलजी इन्स्योरेन्सको १.७३ प्रतिशत, सानिमा जिआइसीको १.७० प्रतिशत, नेको इन्स्योरेन्सको १.३९ प्रतिशत, नेशनल लाइफको ०.९८ प्रतिशत, नेपाल इन्स्योरेन्सको ०.६९ प्रतिशत, सगरमाथा लुम्बिनीको ०.६९ प्रतिशत, हिमालयन एभरेष्टको ०.६८ प्रतिशत, नेपाल रि को ०.६५ प्रतिशत, सानिमा रिलायन्स लाइफको ०.४७ प्रतिशत, आइजीआई प्रुडेन्सियलको ०.४२ प्रतिशत, हिमालयन लाइफको ०.४२ प्रतिशत, युनाइटेड अजोडको ०.३१ प्रतिशत, हिमालयन रि को ०.२४ प्रतिशत र प्रभु महालक्ष्मी लाइफको ०.०२ प्रतिशतले सेयरभाउ घटेको छ ।