धितोपत्र बजारमा ५८ हजार लगानीकर्ताले लिए ‘सेन्ट्रल केवासी’, यसरी लिन सकिन्छ घरबाटै

काठमाण्डौ । धितोपत्र बोर्डको निर्देशनमा गत वर्ष सीडीएसीले सेन्ट्रल केवाइसी ल्याएको थियो । हालसम्म सेन्ट्रल केवाईसी लिने संस्थाको संख्या १०९ वटा पुगेको छ । जसमा अधिकांश ब्रोकरहरु र मर्चेण्ट बैंकहरु पनि रहेका छन् । यसलाई डिजिटल केवाईसी पनि भनिन्छ ।  

हालसम्म ५८ हजार लगानीकर्ताले सेन्ट्रल केवाईसी लिएको सीडीएससीले जनाएको छ । 

सीडीएसीले दिएको जानकारी अनुसार लगानीकर्ता आफैले घरबाट नै ‘डब्लुडब्लु डट् सिकेवाइसी डट् सीडीएससी डट् कम डट् एनपी’ मार्फत आफ्नो डिपि छानेर सेन्ट्रल केवासी लिन सकिन्छ । सीडीएसीका प्रवक्ता सुरेश न्यौपानेका अनुसार ग्राहकले एकपटक एक डीपीमा सेन्ट्रल केवासी भरेपछि अब ब्रोकर पिच्छे केवासी भर्नुपर्ने छैन ।  

डिजिटल केवाईसीमा कन्ट्री कोड, स्टेट कोड, डिस्ट्रिक्ट कोड, लोकल कोड र ७ डिजिटको नम्बरसहित जम्मा १५ नम्बरको डिजिटल केवाईसीको युनिक आईडी हुन्छ ।  

ग्राहकले एक ठाउँमा एउटा आईडी लिएपछि ठाउँपिच्छे केवाईसी भरिरहनुपर्ने आवश्यकता हुँदैन । यही सुविधा होस् भनेर धितोपत्र बोर्डको निर्देशनमा सीडीएससीले ४ वर्षभन्दा बढी समय लगाएर सेन्ट्रल केवाईसी लागू गरेको थियो ।  

सिडिएससीका एक उच्च अधिकारीका अनुसार यसको उद्देश्य बिस्तारै ब्रोकर तथा क्यापिटलहरुको डीपीमार्फत लागू गरेर बैंकहरुमा पनि लागू गर्ने भन्ने छ । केवासी भनेको ‘नो योर कस्टमर’ अर्थात ग्राहक पहिचाल फारम हो ।