चिनियाँ सरकारको समर्थनले डेयुन अटोमोटिभ्सले पुनः उत्पादन सुरु गर्ने, नेपाली बजारमा पनि सेवा जारी राख्ने

काठमाण्डौ । चीनको ईभी कम्पनी डेन समूहले चिनियाँ सरकारको बलियो समर्थन र लगानीका साथ पुनःसंरचनना सँगै कम्पनीले जनवरी २०२५ मा पुनः उत्पादन सुरु गर्ने योजना बनाएको छ। कम्पनीले एक विज्ञप्ती जारी गर्दै केही महिनाअघि कुनै आधिकारिक घोषणा र प्रतिबद्धताबिना, चिनियाँ मिडियाबाट आएका नकारात्मक आरोप र समाचारहरूमा पूर्ण सत्यता नरहेको भन्दै पुनः उत्पादन सुरु गर्ने जनाएको हो ।  

कम्पनीले आफ्ना ग्राहकलाई युएहू उत्पादन, सर्भिस र पार्ट्स सामग्रीहरू उपलब्ध गराउने प्रतिबद्धता जनाएको छ । यसका साथै, नेपालका बजारमा थप विकास र सेवा प्रदान गर्न मिलेर काम गर्ने योजना समेत कम्पनीले बनाएको छ ।

नेपालको सन्दर्भमा, बिना कुनै आधिकारिक समाचार, केही नेपाली अनलाइन मिडियाहरूले डेयुन अटोमोटिभ कम्पनीका बारेमा गलत रिपोर्टहरू प्रकाशित गरेको कम्पनीले दाबी गरेको छ । ‘जसले कम्पनीको वर्तमान अवस्थाबारे गलत जानकारी दिएका छन्। यी रिपोर्टहरू भ्रामक छन् र कम्पनीको वास्तविक स्थिति प्रतिबिम्बित गर्दैन ।’ विज्ञप्तीमा उल्लेख गरिएको छ । डेयुनले यसलाई असत्य भनेको छ र जनतालाई सही जानकारीका लागि प्रमाणित स्रोतहरूमा निर्भर हुन आग्रह गरेको छ। कम्पनीले आफ्ना उत्पादनहरु पूर्ण प्रतिबद्ध रहेको र नेपाली बजारमा सकारात्मक योगदान दिने जानकारी दिएको छ ।

चीनको इलेक्ट्रिक गाडी उद्योगको एक प्रतिष्ठित कम्पनी हो । जसको उत्पादन पोर्टफोलियोमा हेवी ट्रक, हलुका ट्रक, कार, मोटरसाइकल र इन्जिनहरू समावेश छन् । डेयुन समूहले घरेलु र अन्तर्राष्ट्रिय स्तरमा एक बलियो प्रतिष्ठा बनाएको छ । २००४ मा वाणिज्यिक गाडी क्षेत्रमा सफल प्रवेश पछि र २०१७ मा नयाँ प्रिमियम गाडी बजारमा सामेल भएपछि, डेयुनले विश्वव्यापी अटोमोटिभ बजारमा आफ्ना स्थानलाई मजबुत बनाएको छ।

६ वटा उत्पादन केन्द्र र १.८७ मिलियन गाडीहरूको वार्षिक उत्पादनसँगै, डेयुनको तीन दशक लामो अनुभवले यसको सफलता कायम राख्न सहयोग पुर्याएको छ ।