ई–सेवाबाट रकम चोरी भएको तथा रकम असुरक्षित रहेको समाचार भ्रामकः ई–सेवा

काठमाण्डौ । पछिल्ला केहीदिन देखि सामाजिक सञ्जालहरू तथा केहि समाचार पोर्टलहरूमा ई–सेवाबाट रकम चोरी भएको तथा ई–सेवामा रकम असुरक्षित रहेको जस्ता भ्रामक र आधारहीन समाचारहरू प्रकाशित भइरहेकोले त्यस्ता समाचारहरुको पछि नलाग्न ई–सेवाले आग्रह गरेको छ ।  

केही अनलाइन समाचार पोर्टलहरू ई–सेवाको सिस्टम ह्याक भई रकम चोरी भएको भनी प्रकाशित खबरहरुले ई–सेवा प्रयोगकर्ताहरुमा अनावश्यक त्रास र भ्रम सिर्जना भएकोमा ई–सेवाको गम्भीर ध्यानकर्षण भएको कम्पनीले जनाएको छ ।  

ई–सेवाले एक प्रेस विज्ञप्ती जारी गर्दै १६ वर्षको इतिहासमा कम्पनीले आफ्नो सिस्टममा सुरक्षा प्रणालीलाई लिएर कुनै कमी नराखेको जनाएको छ । 

‘सर्वप्रथम  ई–सेवालगायतका नेपालका कुनै पनि डिजिटल वालेट कम्पनीहरूले ग्राहकहरु त्था मर्चेन्टहरुको रकम आफ्नो कम्पनी वा कम्पनीको कुनै मातहतमा राख्न पाउने व्यवस्था नरहेको जानकारी गराउन चाहन्छौं । भुक्तानी तथा फस्र्यौट ऐन, २०७५अनुसार ई–सेवाजस्ता डिजिटल वालेटहरुको कुनै ‘क’वर्गको वाणिज्य बैंकमा सेटलमेन्ट खातामा हुनु पर्ने प्रावधान रहेको छ । सोही प्रावधानअनुसार प्रयोगकर्ताहरुको रकम डिजिटल वालेटमा नभएर उक्त सेटलमेन्ट बैंक खातामा जम्मा हुन्छ । यस प्रणालीले ग्राहकको रकमको दुरुपयोग हुनवाकुनै पनिप्रकारको अनधिकृत पहुँचबाट सुरक्षित राख्दछ । ई–सेवाको हकमा पनि यही कुरा लागू हुने भएकोले हाल सामजिक सञ्जालहरूमाभ्रमसिर्जना गर्ने उद्देश्यले प्रकाशितगरिएको खबरहरुलाई दुरुत्साहन गरिन्छ,’ विज्ञप्तीमा उल्लेख गरिएको छ ।