लक्ष्मी सनराइज बैंकको खुद नाफा बढ्यो, खराब कर्जा अनुपात ५.६७ प्रतिशत पुग्यो

काठमाण्डौ । लक्ष्मी सनराइज बैंक लिमिटेडले चालु आवको दोस्रो त्रैमाससम्म १ अर्ब १६ करोड रुपैयाँ खुद नाफा आर्जन गरेको छ । यो रकम गत आवको सोहि अवधिको तुलनामा ९.७१ प्रतिशतले बढी हो ।  

अघिल्लो आवको दोस्रो त्रैमाससम्म बैंकले १ अर्ब ५ करोड रुपैयाँ खुद नाफा आर्जन गरेको थियो ।  

बैंकको खुद ब्याज आम्दानीमा उल्लेख्य वृद्धि भएको छ । बैंकले समीक्षा अवधिसम्म ८ अर्ब ५३ करोड रुपैयाँ खुद ब्याज आम्दानी गरेको छ । जुन अघिल्लो आवको सोहि अवधिको तुलनामा १०३.४९ प्रतिशतले धेरै हो ।  

बैंकको खुद सञ्चालन आम्दानी पनि घटेको छ । यो अवधिमा बैंकले ५ अर्ब १९ करोड रुपैयाँ खुद ब्याज आम्दानी गरेको छ । यो रकम अघिल्लो आवको तुलनामा ८.२७ प्रतिशतले कम हो । बैंकको कर्मचारी खर्च २ अर्ब ६ करोड रुपैयाँ र अन्य सञ्चालन खर्च ७७ करोड रुपैयाँ छ । बैंकले इम्पेयरमेन्ट चार्जका लागि १ अर्ब ९२ करोड रुपैयाँ रहेको छ ।  

त्यस्तै बैंकको रिटेन्ड अर्निङ भने ३६ करोड ८५ लाख र रिजर्भको आकार १७ अर्ब २८ करोड रुपैयाँ रहेको छ । बैंकको खराब कर्जा अनुपातमा वृद्धि भएको छ । अघिल्लो आवको दोस्रो त्रैमाससम्म ४.६७ प्रतिशत रहेको खराब कर्जा अनुपात बढेर ५.६७ प्रतिशत पुगेको छ ।  बैंकको निक्षप संकलन ३ खर्ब ४० अर्ब ्र कर्जा प्रवाह २ खर्ब ६७ अर्ब रुपैयाँ रहेको छ ।  

समीक्षा अवधिसम्म बैंकको प्रतिसेयर आम्दानी(ईपीएस)९.५५ रुपैयाँ,प्रतिसेयर  नेटवर्थ १७२.५० रुपैयाँ,मूल्य आम्दानी अनुपात २२.२२ गुणा र तरलता अनुपात ३०.११ प्रतिशत कायम भएको छ ।