एलओडीको छैठौँ वार्षिकोत्सवः पहिलो दिन श्रीगो र पुर्नको संगीतमा झुमे दर्शक

काठमाण्डौ। काठमाण्डौमा रहेको एलओडीले छैठौँ वार्षिकोत्सव मनाएको छ । क्लब स्थापना भएको ६ वर्ष पुगेकाले क्लबले ६ दिनसम्म विभिन्न राष्ट्रिय तथा अन्तर्राष्ट्रिय कलाकारको उपस्थितिमा वार्षिकोत्सव मनाउन लागेको हो ।

शनिवार साँझ क्लबमा वार्षिकोत्सव पहिलो दिन श्रीगो एण्ड द गेन र पुर्न राई तथा दाजुभाइ र लिसियस डिजेले प्रस्तुति दिएका थिए । पहिलो प्रस्तुती श्रीगो एण्ड द गेनले गरेका थिए । श्रीगोले आफ्नो चर्चीत गीत तथा संगीतसँगै नयाँ गीत कमीला पनि गाएका थिए । उनले कमीला गीत शुक्रबार साँझ सार्वजनिक गरेका थिए ।

साथै, दोस्रो पस्तुती पुर्न राई तथा दाजुभाइले दिएका थिए । पुर्न राईले आफ्नो चर्चीत गीत सर्पश, कालो सेतो र चर्चीत गीतहरुमा गाएर दर्शक झुमाएका थिए ।  

पहिलो दिन पुर्न र श्रीगोले प्रस्तुती दिए भने अझै पाँच दिन देश तथा विदेशका चर्चीत कलाकारले क्लबको वार्षिकोत्सवमा प्रस्तुती दिने क्लबका निर्देशक भूपेन कुँवरले बताए । उनले क्ल्ब ६ वर्ष पुगेको हुनाले ६ दिन वार्षिकोत्सव मनाएको बताए ।  

क्लबले दर्शकलाई राष्ट्रिय तथा अन्तर्राष्ट्रिय कलाकारको जमघट गराएर फरक अनुभूति दिन लागिएको उनको भनाइ छ । ‘रात्रीकालीन जीवनका पारखीहरू तथा विदेशी पर्यटकहरूलाई यस क्लबले झनै आकर्षित गराएको छ, ’ उनले भने, ‘हामीले क्लब स्थापना गरेसँगै राष्ट्रको नाम राखेका छौँ । विभिन्न मुलुकका कलाकार यहाँ प्रस्तुति दिन आउँछन् । अहिले विभिन्न मुलुकले क्लबकै कारण नाम थाहा पाएका छन् ।’

२८ फागुन १, २ ८ र ९ गते गरी ६ दिन मनाउने भएको हो । २८ गते कुमासागर एण्ड द ख्वापले प्रस्तुती गर्नेछन् । साथै फागुनको एक,दुई,आठ र नौँ गते क्रमशः समिर श्रेष्ठ (एफटी गुड ब्वाईज), दोङ, टप हन्डेट डिजे क्यूब्रीक्स र कर्मा ब्यान्डसँगै कुटुम्बले पनि प्रस्तुती दिने भएका छन् ।

एलओडी क्लब ुलर्ड अफ द ड्रिंक्स’ विश्वकै उत्कृष्ट क्लबमध्ये ५० औं स्थानमा परेको क्लब हो । केही समयअघि क्लब पुनः ‘डिजे म्याग टप १००’ को नोमिनेसनमा परेको छ ।

डिजे म्यागले हरेक वर्ष विभिन्न मुलुकमा रहेका उत्कृष्ट क्लबहरूको छनौट गर्छ । म्यागमा विश्वभरका सय उत्कृष्ट डिजे क्लबको सहभागी रहने गर्छ ।