बिहीबार, बैशाख ११,२०८२ 07:27:49
IME remit
  • बिहीबार, बैशाख ११,२०८२ 07:27:49
IME remit
Global IME Bank Limited

३ महिनापछि नेप्से २ हजार बिन्दु तल,जानकार भन्छन्,‘करको विषयले घट्यो बजार’

Hyundai Nepal
३ महिनापछि नेप्से २ हजार बिन्दु तल,जानकार भन्छन्,‘करको विषयले घट्यो बजार’
Nabil Bank Limited

काठमाण्डौ । साताको पहिलो कारोबार दिन आज नेपाल स्टक एक्सचेञ्च(नेप्से) मा दोहोरो अंकको गिरावट आएको छ । 

आज बजार २६.८१ अंक अर्थात १.३३ प्रतिशतले घटेर १ हजार ९७९.०२ बिन्दुमा झरेको छ । यससँगै बजार तीन महिनापछि २ हजार बिन्दु तल झरेको छ ।  

यसअघि बजार २०२३ को डिसेम्बर १३ मा २ हजारको बिन्दुमा रहेको थियो ।  

यो दिन बलिया र राम्रा कम्पनीको मापक सेन्सेटिभ इन्डेक्स पनि १.५९ प्रतिशतले घटेर ३५३.८३ विन्दुमा सीमित बनेको छ । यो दिन नेप्सेमा सूचीकृतमध्ये ३१७ वटा कम्पनीको ८५ लाख ४६ हजार ९३० कित्ता सेयर ३ अर्ब ८ करोड ६९ लाख रुपैयाँभन्दा बढीको कारोबार भएको  छ ।

आजको बजारबारे बजार जानकार महेश रिजाल भन्छन्,‘अहिले बजारमा खासै राम्रो समाचार प्रवाह हुन सकिरहेको छैन । सरकारप्रति लगानीकर्ताको अविश्वास बढ्दै छ । करको विषयले पनि बजारमा बिक्री दवाब परेको छ । ठूला कम्पनीको आईपीओ लिस्टिङ भएर बजारबाट पैसा बाहिर गयो । ’

CG Motors
Bizshala
Laxmi Sunrise Bank Limited

यहि कारणले लगानीकर्ताको मनोबल खस्कँदा बजार घट्न पुगेको रिजाल बताउँछन् ।  

अर्का बजार जानकार विरेन्द्र विष्ट पनि करकै विषयमा बजारमा अन्यौलता रहँदा बजार घट्न पुगेको बताउँछन् । ‘बैकका विषयमा केहि अफवाह फैलँदा लगानीकर्ताको मनोबल कमजोर बनेको छ । तर बजार अब २०–३० अंकभन्दा तल भने जादैन ।’-उनले भने ।  

यो दिन नेप्सेमा सूचीकृत १३ वटा समूहमध्ये वित्त र उत्पादन तथा प्रशोधन समूह मात्रै बढे । आज यी समूह क्रमशः १.४० र ०.८० प्रतिशतले बढे ।  

आज हाईड्रो समूहमा सबैभन्दा धेरै गिरावट आएको छ । हाईड्रो समूह २.४२ प्रतिशतले घटेको आज बैंकिङ १.६३, विकास बैंक १.०६, होटल १.५३, लगानी १.८६, जीवन बीमा ०.५३, लघुवित्त १.३४, म्युचुअल फण्ड ०.३१, निर्जीवन बीमा ०.५७ र अन्य समूह १.४३ प्रतिशतले घटे ।  

धेरै कारोबार गर्ने कम्पनीहरु

आज सबैभन्दा धेरै कारोबार गर्ने कम्पनीको रुपमा सन नेपाल लाइफ इन्स्योरेन्स कम्पनी रह्यो । सन नेपाल लाइफको आज २५ करोड १८ लाख बढीको सेयर कारोबार भयो ।  बम्पर लाभांशसँगै हकप्रदको समेत प्रस्ताव गरेको यो कम्पनीमा लगानीकर्ताको विशेष आकर्षण देखियो । 

यस्तै जोशी हाईड्रोको ११ करोड ३ लाख, हिमालयन रि इन्स्योरेन्सको ११ करोड १ लाख, गोर्खाज फाइनान्सको १० करोड ७५ लाख र ङादी पावर ग्रुपको ८ करोड ३७ लाख बढीको सेयर कारोबार भएको छ ।  

धरै कमाउने र गुमाउने कम्पनी

१० प्रतिशतले सेयरमूल्य बढेको बोटलर्स नेपाल(बालाजु)को सेयरमूल्यमा मात्रै आज सकारात्मक सर्किट लाग्यो । यो दिन चिरख्वा हाईड्रोपावरको ८.५५ प्रतिशत, धौलागिरी लघुवित्त ६.६६, गोर्खाज फाइनान्सको ५.१६ र सन नेपाल लाइफ इन्स्योरेन्स कम्पनीको सेयरमूल्य ५.०४ प्रतिशतले वृद्धि भएको छ ।  

आज समाज लघुवित्त र मोलुङ हाईड्रोपावरको सेयरमूल्यमा सबैभन्दा धेरै अर्थात १० प्रतिशतको गिरावट आएको छ । यससँगै यी कम्पनीको सेयरमूल्यमा नकारात्मक सर्किट लागेको छ ।  

यसैगरी आज सामलिङ पावरको सेयरमूल्य ९.२१ र जोशी हाईड्रोपावरको सेयरमूल्य ७.७७ प्रतिशतले घटेको छ ।  

Muktinath Bikas Bank Limited
Nepal Investment Mega Bank Limited
Global IME Bank Limited
IME remit
Shivam Cement
Shikhar Insurance
Bizshala

हाम्रो बारेमा

Bizshala.com, operated by SOS Media Pvt. Ltd., stands as Nepal's premier financial news portal. With a keen focus on the economy, capital markets, real estate, banking and financial institutions, merchant banking, investment tools, insurance, tourism, the automotive industry, and beyond, it delivers fresh, in-depth, and investigative reporting. Since its inception, Bizshala has rapidly emerged as the nation's leading economic news platform, driven by a team of seasoned and accomplished financial journalists. Committed to delivering investigative, accurate, and innovative content, Bizshala approaches every story through a distinct economic lens, catering to the interests and curiosities of its readers.