नेपाल प्रहरीले एक महिनामा संकलन गर्यो ५२ करोड बढी राजश्व, सबैभन्दा बढी अदालती फैसला कार्यान्वयनबाट

काठमाण्डौ । नेपाल प्रहरीले एक महिनामा ५२ करोड ४७ लाख राजश्व सङ्कलन गरेको छ । प्रहरीले विभिन्न आपराधिक क्रियाकलाप नियन्त्रणका क्रममा माघ महिनामा उक्त रकमबराबरको राजश्व संकलन गरेको हो ।  

यस क्रममा अदालती फैसला कार्यान्वयनबाट सबैभन्दा बढी राजश्व संकलन भएको छ । फरार अपराधी पक्राउलगायतबाट २३ करोड ९२ लाख ९१ हजार, भन्सार छलिका मालसामान बरामदबाट १६ करोड २७ लाख, ट्राफिक कारबाहीबाट ९ करोड ५९ लाख, अवैध सुन चाँदी बरामदबाट १ करोड र हुण्डी कारोबार गर्नेबाट ३७ लाख राजस्व सङ्कलन भएको छ ।  

यस्तै स्रोत नखुलेको रकम ८१ लाख, अवैध नदीजन्य पदार्थ उत्खनन् नियन्त्रणका क्रममा २२ लाख ५३ हजार, अवैध काठ बरामदबाट आठ लाख ९१ हजार र अवैध पशुपन्छी नियन्त्रणबाट १५ लाख ७१ हजार राजस्व सङ्कलन भएको नेपाल प्रहरीले जनाएको छ ।