सानिमा रिलायन्स लाईफले चैतमा साधारण सभा आयोजना गर्ने, बुक क्लोज कहिले ?

काठमाण्डौ । सानिमा रिलायन्स लाईफ इन्स्योरेन्स लिमिटेडले ८ औं वार्षिक साधारण सभा आह्वान गरेको छ । यही फागुन १५ गते बसेको कम्पनीको सञ्चालक समितिको बैठकले आगामी चैत ८ गते साधारण सभा आयोजना गर्ने निर्णय गरेको हो ।  

उक्त सभा काठमाण्डौको नयाँ बानेश्वरमा रहेको अनमोल ब्याङ्क्वेटमा बिहान ११ बजेदेखि सुरु हुनेछ । सभामा कम्पनीको सञ्चालक समितिले गत आवका लागि प्रस्ताव गरेको ८ प्रतिशत नगद लाभांश र १.२४८९ बोनस सेयर गरी कुल ९.२४८९ प्रतिशत लाभांश वितरण गर्ने विशेष प्रस्ताव पारित गरिनेछ ।  

यस्तै कम्पनीको अधिकृत पूँजी ५ अर्ब २ करोड कायम गर्ने, बोनस सेयर वितरणपश्चात हुने सेयर संरचनाबमोजिम जारी तथा चुक्तापूँजी वृद्धि गरी ५ अर्ब १ करोड ४९ लाख पुर्याउने, कम्पनीको रजिष्टर्ड कार्यालय बानेश्वरबाट परिवर्तन गरी नक्साल कायम गर्ने र संस्थागत सामाजिक उत्तरदायित्व अन्तर्गत कम्पनीबाट भएका खर्चहरु अनुमोदन गरिनेछ ।    

यसैगरी सञ्चालक समितिको तर्फबाट अध्यक्षले प्रस्तुत गर्ने २०८०/८१ को वार्षिक प्रतिवेदन पारित गर्ने, आव २०८०/८१ को लेखा परिक्षण प्रतिवेदन, वासलात, नाफा नोक्सान हिसाब तथा नगद प्रवाह विवरण  पारित गर्ने र आव २०८१/८१ को लेखापरीक्षकको नियुक्ती तथा निजको पारिश्रमिक निर्धारण गर्ने प्रस्ताव समेत पारित गरिनेछ ।  

साधारण सभा तथा लाभांश वितरण प्रयोजनार्थ कम्पनीले फागुन २६ गते एक दिनका लागि बुक क्लोज गर्ने निर्णय गरेको छ । यसर्थ फागुन २५ गतेसम्म नेप्सेमा कारोबार भई कायम भएका सेयरधनीहरु मात्रै कम्पनीद्वा्रा प्रस्तावित लाभांश पाउन र सभामा सहभागी हुन योग्य हुनेछन्