नेशनल साईबर ओलम्पियाड–२०८१ +२ संस्करण सम्पन्न

काठमाण्डौ । नेशनल साईबर ओलम्पियाड– २०८१ कों +२ संस्करणको पहिलो प्रतियोगिता भब्यताका साथ सम्पन्न भएको छ । ं२ संस्करणको प्रतियोगिता प्रशिक्षणको आयोजना, पाइला क्रिएसनको व्यवस्थापन तथा टेकस्पाएर कलेजको मुख्य प्रायोजनमा फागुन ५ गतेदेखि काठमाण्डौमा अभिमुखीकरण कार्यक्रम गरेर सुरुवात भएको थियो ।  

फाइनल चरण तथा समापन समारोह रसियन हाउस, कमलपोखरी काठमामण्डौमा फागुन १५ गते सम्पन्न भएको छ । कुल २४ टिममा उत्कृष्ठ हुँदै फाइनल प्रतियोगितामा ४ वटां +२ कलेजका टिमले प्रतिस्पर्धा गरेका थिए । फाइनल प्रतियोगिताबाट उत्कृष्ट हुदै कोटेश्वर, काठमाण्डौको क्यापिटल कलेज एण्ड रिसर्च सेन्टरले प्रथम स्थान हासिल गर्यो । बागबजार काठमाण्डौको काठमाण्डौ मोडेल कलेज दोस्रो तथा चौथो र डिल्लीबजार काठमाण्डौको कलेज अफ बिजनेस म्यानेजमेन्टले तेस्रो स्थान हासिल गरेका छन् ।

नेशनल साईबर ओलम्पियाड सुचना प्रविधि क्षेत्रको अन्तर विद्यालय हाजिरी जवाफ प्रतियोगिता हो जसमा सूचना तथा सञ्चार प्रविधिसम्बन्धी ज्ञान तथासीप अभिवृद्धि गर्न अन्तर विद्यालय हाजिरी जवाफ प्रतियोगिता मार्फत प्रतिस्पर्धा आयोजना गरिन्छ ।

प्रतियोगिता काठमाण्डौ उपत्यकाका २४ विद्यालयका माध्यमिक तहका ७२ जना विद्यार्थीहरु प्रत्यक्ष सहभागि भई प्रतिस्पर्धा गरेका थिए । प्रतियोगितामा सुचना र प्रविधि विषयको सामान्य ज्ञान, पाठ्यक्रम, लजिकल, मल्टिमिडिया, डिफेन्डिङ, ग्यम्बलिङ र ग्यासपिङ राउन्डमा सहभागी विद्यार्थीहरू बीच क्वालिफायिङ, सेमिफाइनल र फाइनल गरी तीन चरणमा प्रतिस्पर्धा गराइएको थियो ।

प्रमुख अतिथि कम्प्युटर एसोसिएसन अफ नेपाल (क्यान) महासंघकी अध्यक्ष सुनैना घिमिरे पाण्डे, तथा विशेष अतिथिहरु रसियन हाउसकी उपनिर्देशक, साकानुश वान्यान र त्रिभुवन विश्वविद्यालय, इन्जिनियरिङ संस्थानका प्राध्यापक आईटी इनोभेसन सेन्टरका निर्देशक, प्रो.डा. सुबर्ण शाक्यको उपस्थितिमा समापन समारोह रसियन हाउस कमलपोखरी काठमाण्डौमा सम्पन्न भएको थियो । 

प्रतियोगितामा प्रथम हुने  क्यापिटल कलेज एण्ड रिसर्च सेन्टरले नगद रु ३००००, तिस हजार, ट्रफि, मेडल, सर्टिफिकेट  तथा अन्य धेरै उपहारहरुले सम्मान गरीएको थियो । दोस्रो, तेस्रो र चौथो स्थान हासिल गर्ने कलेजहरुलाई पनि ट्रफि, मेडल, सर्टिफिकेट तथा अन्य धेरै उपहारहरुले सम्मान गरीएको थियो । कार्यक्रमको मुख्य प्रायोजनमा नयाँ बानेश्वर, काठमाण्डौको टेकस्पाएर कलेजले गरेको थियो । 

रसियन हाउस, आई मार्ट, हिमालयन नेक्टर हनी, महर्षी कलेज, फुडमान्डु, पठाओ, जुनियर उद्यमशीलता सर्कल, आईएनआई सिनेमा, पिसिपि एस कलेज, मोटर सेवा, बजारको चिरफार  लगायतले प्रतियोगिताको प्रायोजन गरेका थिए ।